Bizimlə əlaqə | Reklam
BolgeXeber.Com » İdman » Çempionlar Liqasında 1/8 final mərhələsi start götürür

Çempionlar Liqasında 1/8 final mərhələsi start götürür

14-02-2017, 17:12
Oxunub: 4 271 Çempionlar Liqasında 1/8 final mərhələsi start götürürİlk oyun günündə iki qarşılaşma baş tutacaq ki, bunlardan birinə xüsusi diqqət var

Avrokuboklarda 2 aydan çox çəkən fasilə başa çatır. Apasport.az saytının məlumatına görə, bu gün Çempionlar Liqasında 1/8 final mərhələsinə start veriləcək.

İlk oyun günündə iki qarşılaşma baş tutacaq ki, bunlardan birinə xüsusi diqqət var. Təbii ki, söhbət Fransada oynanılacaq PSJ – “Barselona” görüşündən gedir. Qrup mərhələsində məğlubiyyət üzü görməyən parislilər ikinci yeri tutmuş və “Barsa”ya rəqib olmuşdular. Son vaxtlar əla formada olan Unay Emerinin yetirmələri cavab qarşılaşması öncəsi üstünlük əldə etməyə çalışacaqlar. Əlbəttə ki, bu gün fransızların əsas qol ümidi cari mövsüm qolçuluq bacarığını nümayiş etdirən Edinson Kavani olacaq.

“Barselona” isə son 3 rəsmi oyunda məğlub etdiyi PSJ önündə uğurlu seriyanı davam etdirməyə çalışacaq. Meydan sahiblərində Xavyer Pastore və Qrzeqorz Krixovyak zədəli, Tiaqo Motta cəzalıdısa, qonaqların heyətində Aleyş Vidal, Xavyer Maskerano, Rafinya və Arda Turan zədədən əziyyət çəkirlər.

Günün digər matçında “Benfika” ilə Dortmund “Borussiya”sı üz-üzə gələcəklər. Portuqaliya çempionatının lideri güclü rəqibi büdrətmək və Almaniyaya sərfəli nəticə ilə yollanmaq arzusundadı. Amma “Borussiya”nın Madrid “Real”ının da yer aldığı F qrupunda birinci yeri tutduğunu unutmayaq.

UEFA Çempionlar Liqası

1/8 final mərhələsi, ilk oyunlar


14 fevral

23:45. “Benfika” (Portuqaliya) – “Borussiya” (Dortmund, Almaniya)

Baş hakim: Nikola Ritsoli (İtaliya)


23:45. PSJ (Fransa) – “Barselona” (İspaniya)

Baş hakim: Şimon Marçinyak (Polşa)
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]