BolgeXeber.Com » İdman » Qurban Qurbanov tərcüməçini klubdan qovdu

Qurban Qurbanov tərcüməçini klubdan qovdu

15-03-2017, 10:18

Oxunub: 4 368

"Qarabağ" futbol klubunun baş məşqçisi Qurban Qurbanov jurnalistlərin ünvanına hörmətsizlik nümayiş etdirən tərcüməçi Əfqan Xəlilovu işdən qovub

Xatırladaq ki, Əfqan Xəlilov sosial şəbəkə hesabında futbolçu Miçel Madera ilə mətbuat konfransında çəkilmiş şəklini paylaşaraq yazmışdı: “Növbəti axmaq sualı gözləyərkən, mən”.

Bəzi idman jurnalistləri mediaya belə münasibəti təhqiredici saymışdılar. Bu gün keçirilən mətbuat konfransında jurnalistlərin suallarını cavablandıran Q.Qurbanov bu məsələyə də toxunub: “Həmişə demişəm ki, hər kəs öz işi ilə məşğul olsun. Məsələdən xəbərim var. Mən gördüm ki, bu haqda nələr yazırlar. Xoşagəlməz alındı. Elə təəssürat yarandı ki, bu, "Qarabağ" futbol klubunun fikridir. Mən onu klubdan çıxardım. Məşqçinin, jurnalistin və rəqiblərin işlərinə qarışmaq olmaz. Nə qədər ki, mən "Qarabağ"dayam, heç kim başqasını sancmamalı, onda səhvlər axtarmamalıdır.

Əfqanın işindən həddindən artıq razı idim. Bütün sözləri futbolçulara dediyim kimi çatdırırdı. Yaxşı bir işçini itirdik. Amma mənim qoyduğum qaydalar var, buna riayət etmək lazımdır”.

Qeyd edək ki, Əfqan Xəlilov Azərbaycan dilindən başqa ispan, portuqal, ingilis və rus dillərini də bilir.

AFN.az

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]