BolgeXeber.Com » İdman » Dünya çempionumuz: “Elə gün olurdu ki, sarımsağın göyünü çörəyin arasına qoyub yeyirdim”

Dünya çempionumuz: “Elə gün olurdu ki, sarımsağın göyünü çörəyin arasına qoyub yeyirdim”

12-04-2017, 12:07

Oxunub: 4 201

“2001-ci ildə 5-ci sinfi bitirdim və həmin il seçim qarşısında qaldım – ya kənddə yaşayıb həyatımı orada davam etdirməliydim, ya da şəhərə gəlib özümə yeni yol seçməli idim

Və mən kənddə qalmadım. 10 yaşımda ailəmdən ayrı qalmaq çox çətin idi. Üstəlik, nə Azərbaycan, nə də rus dillərində bir kəlmə belə bilmirdim”.

BAKU.WS-in məlumatına görə, bu sözləri dünya çempionumuz, avar əsilli azərbaycanlı yunan-roma güləşçisi Rəsul Çunayev söyləyib. İdmançımız çətinliklə keçən həyatından bəhs edib:

“Dayım mən Bakıya gələndə Dağıstanda yaşayan qohumlarımdan az-az pul yığıb mənə göndərirdi ki, Bakıda dolana bilim. Qohum-əqrəbadan yığıb hər ay mənə 100 dollar göndərirdi. Hamısı imkansız insanlardı, amma hamısı da oxumağım üçün mənə canla-başla kömək edirdilər. Mən başa düşürdüm ki, nə onun, nə də qohumlarımın maddi imkanı yoxdur. Onlar yoxluqda belə bir əl olub mənim təhsil almağım üçün kömək edirdilər. Elə gün olurdu ki, bir yumurta ilə günümü keçirirdim. Yaxud sarımsağın göyünü çörəyin arasına qoyub yeyirdim. Bir dayanacaqdan digərinə ayaqla gedirdim ki, pula qənaət edim. Mənim qələbələrimin, uğurlarımın arxasında çətinlik, zəhmət və əziyyət dayanır”.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]