Bizimlə əlaqə | Reklam
BolgeXeber.Com » İdman » Avropa Liqası: "Qəbələ" bu gün cavab oyununa çıxır

Avropa Liqası: "Qəbələ" bu gün cavab oyununa çıxır

3-08-2017, 11:00
Oxunub: 5 442 Avropa Liqası: "Qəbələ" bu gün cavab oyununa çıxırBu gün Avropa Liqasının III təsnifat mərhələsində cavab oyunları davam edəcək

Mübarizəni bu turnirdə davam etdirən yeganə Azərbaycan təmsilçisi “Qəbələ” də meydana çıxacaq. Əyalət klubu evdə Yunanıstan “Panatinaikos”u ilə görüşəcək.

Bir həftə əvvəl səfərdə 0:1 hesabı ilə məğlub olan Roman Qriqorçukun yetirmələri 8-ci km qəsəbə stadionunda mütləq qələbə qazanmalıdır. Son iki ildə qrup mərhələsinin iştirakçısı olan “Qəbələ” pley-offa yüksəlmək üçün ən azı 2 top fərqi ilə sevinməlidir.

2 il əvvəl “Panatinaikos”u pley-offda səfər qolu ilə keçən (0:0,2:2) “qırmızı-qaralar” evdəki uğurlu seriyasını davam etdirməyə çalışacaq. Qazanılacaq qələbə “qırmızı-qaralar” üçün əlamətdar olacaq. Avrokuboklar tarixində 9 dəfə qalib gələn təmsilçimiz 10-cu uğurunun astanasındadır. Yubiley qələbəsi ilə mərhələ adlayacaq komandamız tarixində 3-cü dəfə qrupda oynamağa bir addım da yaxınlaşacaq.(APA)

Avropa Liqası

III təsnifat mərhələsi, cavab oyunu

3 avqust

21:00. “Qəbələ” (Azərbaycan) – “Panatinaikos” (Yunanıstan)

Baş hakim: Kreyq Pauson (İngiltərə)

Bakı. 8-ci km qəsəbə stadionu

İlk oyun – 0:1
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]