BolgeXeber.Com » İdman » Fanklub rəhbəri Rövnəq Abdullayevə müraciət etdi

Fanklub rəhbəri Rövnəq Abdullayevə müraciət etdi

23-02-2011, 11:05
Oxunub: 7 529
Azərbaycanın ən böyük futbol fanatı, “Milli fanatlar” fanklubunun rəhbəri Faiq Hüseynov (Şadlı) AFFA prezidenti Rövnəq Abdullayevə müraciət ünvanlayıb.

Bolgexeber.com-un məlumatına görə, fanklubun rəhbəri uzun illər Azərbaycan milli yığmasına fanatlıq etdiyini və milli yığmanın oyunları zamanı bütün azarkeşləri ruhlandırdığını bildirib: “Özüm vətənpərvər ailədə dünyaya gəlmişəm. Yaşadığım yataqxanada 2 bayraq var, Azərbaycan və Ermənistan bayrağı. Hər gün balalarım bağçaya gedəndə Azərbaycan bayrağını öpür və ayaq altında qalan erməni bayrağına ayaqqabılarını silirlər. Övladlarıma hər zaman tövsiyə edirəm ki, evimiz olmasa belə hər zaman bayrağımızı, milli qürurumuzu üstün tutaraq, daima milli yığmamıza dəstək olmalıyıq”. Faiq Hüseynov AFFA prezidentinə ünvanladığı müraciətdə ona hər hansı bir ərazidə kiçik bir torpaq sahəsi ayrılması xahişi ilə çıxış edib: “Bu işə baxan məsul şəxs olmadığınızı bilirəm, lakin bunu dövlətini, bayrağını və milli yığmasını öz canlarından çox sevən iki körpə vətənpərvər övladlar üçün etməyinizə çox şad olardım”.