Millimiz Makedoniya ilə qarşılaşacaq
27-03-2018, 10:05
Oxunub: 2 740
Milli komandamız bu gün növbəti sınaq matçına çıxacaq
Apasport.az saytının məlumatına görə, Qurban Qurbanovun yetirmələrinin budəfəki rəqibi Makedoniya yığmasıdır.
Martın 23-də Bakı Olimpiya Stadionunda Belarus qarşısında minimal hesablı məğlubiyyətə üzülən komandamız Makedoniya ilə Antalyada oynayacaq. Millinin “sükanı arxası”nda keçirdiyi ilk iki görüşdə qalibiyyət görməyən Qurbanov bu şanssızlığı qırmağa çalışacaq. Komandamızın Qurbanovun rəhbərliyi ilə daha əvvəl qarşılaşdığı hər iki rəqibdən – Moldova və Belarusdan güclü olan makedoniyalılar qarşısında hansı nəticəyə imza atacağı maraqla gözlənilir.
Maraqlıdır ki, indiyə qədər bu komanda ilə keçirilən 6 görüşün heç birində yığmamız qalib gələ bilməyib. İlk dəfə 2000-ci ildə qarşılaşdığımız balkanlılar 5 qələbə qazanıb. Bir görüşdə isə heç-heçə qeydə alınıb. Top fərqi də rəqibin aşkar üstünlüyündən xəbər verir – 13:4. Bu matçlardan 4-ü yoxlama xarakterli olubsa, 2 dəfə dünya çempionatının seçmə mərhələsində qarşılaşmışıq. Məhz həmin iki oyundan biri (5 sentyabr 2001. Bakı – 1:1) bərabərliklə nəticələnib. Makedoniya qarşısında qalib gəlməklə komandamız bir deyil, bir neçə uğursuz seriyaya son qoya bilər.
“Mardan” stadionunda baş tutacaq qarşılaşmada videotəkrar sistemindən (VAR) istifadə olunması da maraqlı məqamdır. Türkiyəli hakimlər briqadasının idarə edəcəyi matçın baş hakimi Halis Özkahya olacaqsa, video köməkçi hakim funksiyasını Cüneyt Çakır yerinə yetirəcək.
Yoldaşlıq görüşü
27 mart
20:00. Azərbaycan – Makedoniya
Baş hakim: Halis Özkahya
Antalya. “Mardan” stadionu
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 4-04-2024, 18:59 : Əli Əsədov Konqo prezidenti ilə görüşdü
Siyasət / Xəbərlər
- 13-04-2024, 15:52 : “WhatsApp” işlədənlərin NƏZƏRİNƏ - Bunu etmək mümkün olacaq
Xəbərlər / Ölkə
- 6-04-2024, 16:28 : Rəsmi Bakıdan İrəvana cavab
Siyasət / Xəbərlər