“Arsenal”ın Bakı proqramı: ən uzun səfər, otel və...
2-10-2018, 13:32
Oxunub: 4 519
Avropa Liqasının qrup mərhələsinin ikinci turunda “Qarabağ”la qarşılaşacaq “Arsenal”ı sabah çarter reysi ilə Bakıya gələcək.Bu haqda Qol.az-a Ağdam klubunun mətbuat xidmətinin rəhbəri Nurlan İbrahimov məlumat verib. London təmsilçisini Bakıya gətirəcək təyyarənin saat 17.00 radələrində Heydər Əliyev Beynəlxalq Hava Limanına enəcəyi gözlənilir.
Qeyd edək ki, bu, “Arsenal”ın 132 illik tarixində ilk ən uzun səfəri (4000 km) olacaq (mənbə: UEFA). İngilisləri gətirən təyyarə təxminən 5 saat yarım havada olacaq.
“Qarabağ” klubundan Qol.az-a bildirilib ki, Bakıya gəldikdən demək olar dərhal sonra “Arsenal” oyunun keçiriləcəyi Bakı Olimpiya Stadionunda məşqə çıxacaq. Hazırlığın saat 18.30-da başlaması nəzərdə tutulub. Məşqin ilk 15 dəqiqəsi media və azarkeşlər üçün açıq olacaq. Yeri gəlmişkən, London klubunun baş məşqçisi Unai Emerinin mətbuat konfransı sabah saat 18.00-da başlanacaq.
“Arsenal” Bakıda harada qalacaq?
“Qarabağ”ın mətbuat xidmətindən bildirilib ki, London təmsilçisi Bakının mərkəzindəki 5 ulduzlu “Hilton” otelində məskunlaşacaq. Oyundan sonra komanda Ingiltərəyə qayıdacaq.
Klubdan əlavə ediblər ki, İngiltərə təmsilçisi öz azarkeşlərinə satmaq üçün “Qarabağ”dan 700 bilet sifariş edib. Satılan biletin pulu qarşılıqlı razılaşmaya əsasən, “Qarabağ”a ödəniləcək. Ayrılan biletin necəsinin satılması haqda isə hələlik “Qarabağ” klubunda məlumat yoxdur.
“Qarabağ” klubunun yaydığı xəbərə görə, dünən axşama olan məlumata əsasən, Azərbaycanda isə qarşıdakı görüşə artıq 48 min bilet satılıb.
Xatırladaq ki, “Qarabağ” – “Arsenal” oyunu oktyabrın 4-də Bakı Olimpiya Stadionunda keçiriləcək. Oyun 20.55-də başlanacaq.
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 4-06-2025, 14:06 : Bərdə rayon İcra Hakimiyyəti başçısının Qaradağlı kəndində səyyar qəbul-görüşü keçirilib
Bölgə / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 5-06-2025, 13:32 : Röyanın keçmiş ərindən çağırış- BARIŞDIRIN
Şou-Biznes / Xəbərlər - 2-06-2025, 09:58 : Prezident İlham Əliyevin 28 May 2025-ci il tarixində Laçın şəhərinə səfəri – Müstəqilliyin və Qələbənin rəmzi
Analitika / Xəbərlər - 5-06-2025, 12:59 : "Neftçi" yeni transferini edib
İdman / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 3-06-2025, 11:27 : Bakı Enerji Həftəsi
Analitika / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
