BolgeXeber.Com » İdman » Almanlar uduzdular, ingilislər sevinə bilmədilər

Almanlar uduzdular, ingilislər sevinə bilmədilər

14-03-2013, 09:15

Oxunub: 5 552

UEFA Çempionlar Liqasında 1/8 final mərhələsinə yekun vurulub. Azerisport.az xəbər verir ki, ilk oyun günündə iki cavab oyunu keçirilib.

"Schalke” öz meydanında "Galatasaray"ı qəbul edib. Bu komandalar arasında keçirilən ilk görüş 1:1 hesabıyla yekunlaşmışdı. Almaniyadakı görüşdə isə qardaş Türkiyə təmsilçisi möhtəşəm qələbə sayəsində növbəti mərhələyə çıxıb.

Digər maraqlı oyun İspaniyada baş tutub. "Barcelona" öz meydanında "Milan"ı qəbul edib. İlk görüşdə 0:2 hesabı ilə məğlub olan "Barsa" doğma meydanda bu məğlubiyyətin əvəzini artıqlamasıyla çıxmağı bacarıb. Nəticədə, "Barsa" növbəti mərhələyə adlayıb.

Son oyun günündə isə “Bayern” “Arsenal”a uduzsa da, səfərdə vurduğu 3 qol almanlarıı növbəti mərhələyə daşıyıb. “Malaga” da ilk oyunda uduzduğu “Porto”nu 2 cavabsız qolla yenərək, son vəsiqəyə sahib çıxıb.

Çempionlar Liqası
1/8 final (cavab oyunları)
12 mart

Schalke (Almaniya) – Galatasaray (Türkiyə) - 2:3 (İlk oyun – 1:1)
Qollar: Neustadter, 17, M.Bastos, 63 - H.Altıntop, 37, B.Yılmaz, 42, U.Bulut, 90+4.

Barcelona (İspaniya) – Milan (İtaliya) - 4:0 (0:2)
Qollar: Messi, 5; 40, D.Vilya, 55, Alba, 90.

13 mart

Bayern (Almaniya) – Arsenal (İngiltərə) - 0:2 (3:1)
Qollar: Jiru, 3, Koşçielni, 85.

Malaga (İspaniya) – Porto (Portuqaliya) - 2:0 (0:1)
Qollar: İzko, 43, S.Krus, 77.

Qeyd edək ki, bu mərhələnin ötən həftə baş tutan cavab oyunlarında aşağıdakı nəticələr qeydə alınmşdı:

PSG (Fransa) - Valencia (İspaniya) - 1:1 (2:1)
Juventus (İtaliya) – Celtic (Şotlandiya) - 2:0 (3:0)
Borussia (Dortmund, Almaniya) – Şaxtyor (Ukrayna) - 3:0 (2:2)
Manchester United (İngiltərə) – Real (İspaniya) - 1:2 (1:1)

Çox Oxunanlar