BolgeXeber.Com » İdman » Avropa Liqası: Bu gün son püşk atılacaq

Avropa Liqası: Bu gün son püşk atılacaq

15-03-2019, 09:38

Oxunub: 4 708

Bu gün UEFA Avropa Liqasının 1/4 final və yarımfinal mərhələlərinin, eləcə də Bakıda keçiriləcək final qarşılaşmasının püşkü atılacaq.

"Report" xəbər verir ki, Avropa futbol qurumunun İsveçrənin Nyon şəhərindəki mənzil-qərargahında keçiriləcək tədbir Çempionlar Liqasının püşkatma mərasimindən 1 saat sonra - Bakı vaxtı ilə saat 15:00-da start götürəcək.

Prosedura əsasən, komandalar “səpələnmişlər” və “səpələnməmişlər”ə bölünməyəcəklər. Bir ölkəni təmsil edən kollektivlər bir-birləri ilə düşə bilərlər.

Digər məhdudiyyətlərlə bağlı püşk ərəfəsində məlumat veriləcək. Adları birinci çıxacaq komandalar ilk oyunu evdə keçirəcəklər. Əvvəlki mövsümlərlə müqayisədə, bu dəfə təkcə 1/4 finalın deyil, yarımfinal və finalın da püşkü atılacaq. Həlledici qarşılaşmanın püşkatması inzibati səbəblərlə əlaqədar "ev komandası"nı müəyyənləşdirmək məqsədilə keçiriləcək.

Püşkatmaya qatılacaq komandalar:

“Ayntraxt” (Almaniya)

“Arsenal” (İngiltərə)

“Valensiya” (İspaniya)

“Benfika” (Portuqaliya)

“Çelsi” (İngiltərə)

“Vilyarreal” (İspaniya)

“Napoli” (İtaliya)

“Slaviya” (Çexiya)

Qeyd edək ki, aprelin 11-də və 18-də 1/4 final, mayın 2-də və 9-da yarımfinal, mayın 29-da isə Bakı Olimpiya Stadionunda final görüşü keçiriləcək.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]