Bizimlə əlaqə | Reklam
BolgeXeber.Com » İdman » Azərbaycanın UEFA-nın Feyr-Pley reytinqində yeri açıqlanıb

Azərbaycanın UEFA-nın Feyr-Pley reytinqində yeri açıqlanıb

18-01-2020, 11:18
Oxunub: 5 888 Azərbaycanın UEFA-nın Feyr-Pley reytinqində yeri açıqlanıbUEFA-ya üzv ölkələrin Feyr-Pley reytinqləri açıqlanıb.

Apasport.az saytının məlumatına görə, qitə futbol qurumu 2018/19 mövsümünün nəticələrinə əsasən üç müxtəlif göstəricidə ölkələrin cədvəlini tərtib edib.

Ümumi Feyr-Pley reytinqinin qalibi adına Finlandiya yiyələnib. Bu ölkənin komandaları mövsümün 76 matçına əssən 8,686 xal toplayıb. Hesabında 58 qarşılaşma olan Gürcüstan 8,540 xalla 2-ci, təmsilçiləri 104 görüşə çıxan Norveç 8,525 xalla 3-cü olub. Azərbaycan komandaları 61 beynəlxalq oyun keçiriblər. 8.113 xala malik ölkəmiz 33-cü yerdədir.

Tamaşaçılar üzrə Feyr-Pley reytinqində Farer adaları qalib olub – 46 oyunda 8,850 xal. Norveç (104 oyun, 8,822 xal) 2-ci, İslandiya (64 oyun, 8,782 xal) 3-cü yeri tutub. 41 qarşılaşma üçün 7,782 xala malik Azərbaycan isə yalnız 40-cıdır.

UEFA-nın Feyr-Pley reytinqində İnkişaf cədvəlinin qalibi adını Gürcüstan qazanıb. 2017/18 mövsümündə 7,913, 2018/19 mövsümündə 8,540 xala malik qonşularımız hamıdan çox – 0,627 xallıq artım əldə edərək 1-ci olublar. Andorra 0,623 ilə ikinci, Litva 0,448 xalla 3-cüdür. Azərbaycan artıma nail olan 26 ölkə sırasındadır. 2017/18 mövsümündəki 8,100-dən 2018/19 mövsümündə 8,113-ə yüksələn ölkəmizin inkişafı 0,013-ə bərabər olub. Azərbaycan bu göstəricidə 22-cidir.

Qalib ölkələr – Finlandiya, Farer adaları və Gürcüstan hərəyə 50 min avro mükafat alıb.

Qeyd edək ki, UEFA-nın siyahılarında quruma üzv olan 52 ölkə yer alıb. Təmsilçiləri zəruri olan oyun sayından az matç keçirən Lixtenşteyn, San-Marino və Cəbəllütariq isə sıralamadan kənarda göstərilib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]