BolgeXeber.Com » İdman » “Qarabağ” 1,2 milyon avro maaş alan futbolçusu üçün nə qədər pul ödəyib?

“Qarabağ” 1,2 milyon avro maaş alan futbolçusu üçün nə qədər pul ödəyib?

19-05-2020, 11:09
“Qarabağ”ın keçən yay transferi olan ispaniyalı legioner Xayme Romeronun transfer qiyməti müəyyənləşib. 
Oxu.Az xəbər verir ki, İspaniyanın Cordopolis.es saytı Sequndada çıxış edən “Kordoba” klubunun transfer siyasətinə aid yazı dərc edib.
Həmin yazıda “Kordoba”nın 2015-ci ildən bəri yalnız iki oyunçunun transferindən qazanc götürdüyü və onlardan birinin hazırda “Qarabağ”da çıxış edən Xayme olduğu bildirilib. Ağdamlılar ötən yay bu keçidin reallaşması üçün İspaniyanın aşağı liqa klubuna 500 min avro ödəyib.
Qeyd edək ki, Xayme Romeronun “Qarabağ”la müqavilə müddəti 2022-ci ilin yayına qədərdir. Mətbuatda gedən xəbərlərə görə, Ağdam klubu ispan futbolçusuna üç il ərzində ümumilikdə 1,2 milyon avro pul verəcək.