Bizimlə əlaqə | Reklam
BolgeXeber.Com » İdman » Azərbaycan Premyer Liqası nə vaxt başlayacaq? – tarix bilindi

Azərbaycan Premyer Liqası nə vaxt başlayacaq? – tarix bilindi

30-05-2020, 16:43
Oxunub: 6 963 İyunun 1-dən Azərbaycanda açıq havada keçirilən idman yarışlarının tamaşaçıların iştirakı olmadan təşkilinə icazə veriləcək.
Nazirlər Kabineti yanında Operativ Qərargahın dünən yaydığı açıqlamaya görə, bu qərar 31 may 2020-ci il saat 00:00-dan xüsusi karantin rejimi çərçivəsindəki məhdudiyyətlərin bir qisminin aradan qaldırılması çərçivəsində müəyyənləşdirilib.
Sabah isə AFFA-nın təşəbbüsü ilə Klublar Komitəsinin videokonfrans formatında iclası keçiriləcək. Saat 12:00-da başlayacaq iclasda AFFA, PFL və Premyer Liqa klublarının rəsmiləri iştirak edəcək. Toplantıda Premyer Liqa klublarının məşqlərinin və oyunlarının mümkün bərpası müzakirə olunacaq.
Elita təmsilçiləri gələn ayın ilk günündən etibarən məşqlərə başlayacaq. Artıq AFFA-dan onlara belə bir şifahi təlimat gəlib. Premyer Liqanın bərpa tarixi olaraq iyunun 21-i seçilib.
Yəni, martın 14-dən çalışmalarını dayandıran komandaların hazırlıq üçün cəmi 20 gün vaxtı olacaq.
Çempionatın son 8 turunun, həmçinin ölkə kubokunun yarımfinal və final oyunlarının başa çatdırılması üçün 1 ay nəzərdə tutulub. Federasiya mövsümü iyulun 25-28-i aralığında qapatmağı planlaşdırır (sportinfo.az).
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]