"Yuventus"un çempionluğu ilə gələn rekordlar
27-07-2020, 14:00
Oxunub: 5 748
"Yuventus"un İtaliya A Seriyasında 36-cı çempionluğu bəzi hədisələrlə əlamətdar olub."Report"un məlumatına görə, Turin klubu bu nəticə ilə "böyük 5-lik" liqalarında ən çox qələbə qazanan komanda ünvanına sahib çıxıb.
İkinci sırada 34 çempionluqla İspaniya "Real Madrid"i, 3-cü yerdə Almaniya "Bavariya"sı (30), 3-cü pillədə "Barselona" (26) qərarlaşıb. İngiltərənin "Mançester Yunayted" klubu isə 20 qələbə ilə 4-cüdür.
"Qoca sinyora"nın qapıçısı Canluici Buffon yerli çempionatda 10 dəfə qızıl medal qazanan yeganə futbolçu kimi tarixə düşüb. Onu hərəyə 9 çempionluqla komanda yoldaşları - italiyalı müdafiəçilər Leonardo Bonuççi və Corco Kyellini izləyir. Bonuççi bu uğurlardan 8-nə "Yuventus"un, 1-nə isə "İnter"in heyətində nail olub. Kyellini isə komandasının ardıcıl 9-cu çempionluğunda iştirak edən yeganə futbolçudur.
Braziliyalı yarımmüdafiəçi Duqlas Kosta "Yuventus"un heyətində ardıcıl 3-cü çempionluğunu əldə edib. Bu, 30 yaşlı futbolçunun son 11 ildə 10-cu belə uğurudur. Təcrübəli oyunçu daha əvvəl 5 dəfə Ukraynanın "Şaxtyor" (Donetsk), 1 dəfə isə Almaniyanın "Bavariya" komandasında bu sevinci yaşayıb.
Turinlilərin 36-cı çempionluğunu rəsmiləşdirdiyi "Sampdoriya" ilə matçda fərqlənən Kriştianu Ronaldu karyerası ərzində rəsmi turnirlərdə 735-ci qolunu vurub. Portuqaliyalı forvard bu göstəricidə Braziliya millisinin əfsanəvi oyunçusu Romarionu (734) geridə qoyub. Hazırda onu ilk pillədə yer alan digər braziliyalı veteran hücumçu Peledən 32 qol ayırır.
Qeyd edək ki, "Yuventus" XXXVI turda "Sampdoriya" üzərində 2:0 hesablı qələbə qazanmaqla xallarını 83-ə çatdırıb və sona 2 tur qalmış ən yaxın izləyicisi "İnter"i 7 xal geridə qoyaraq çempionluğunu rəsmiləşdirib.
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 4-06-2025, 14:06 : Bərdə rayon İcra Hakimiyyəti başçısının Qaradağlı kəndində səyyar qəbul-görüşü keçirilib
Bölgə / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 5-06-2025, 13:32 : Röyanın keçmiş ərindən çağırış- BARIŞDIRIN
Şou-Biznes / Xəbərlər - 5-06-2025, 12:59 : "Neftçi" yeni transferini edib
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 9-06-2025, 14:55 : Yasda ehsan verilməsi ləğv olundu
Sosial / Bölgə / Xəbərlər - 9-06-2025, 14:14 : Ən yaxşı futbolçu titulunu o qazandı
İdman / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
