BolgeXeber.Com » İdman » Çempionlar Liqası: "Atletiko" uduzdu, "Leyptsiq" yarımfinalda

Çempionlar Liqası: "Atletiko" uduzdu, "Leyptsiq" yarımfinalda

14-08-2020, 10:00
Oxunub: 5 146 Bu gün UEFA Çempionlar Liqasında 1/4 final mərhələsinin növbəti oyunu keçirilib."Report"un məlumatına görə, Almaniya “Leyptsiq”i İspaniyanın “Atletiko” klubu ilə münasibətlərinə aydınlıq gətirib. Görüş Bundesliqa təmsilçisinin 2:1 hesablı qələbəsi ilə başa çatıb.
Portuqaliyanın Lissabon şəhərindəki “Joze Alvalade” stadionunda baş tutan matçın ilk hissəsində qapılara qol vurulmayıb.
Görüşdə hesabı 50-ci dəqiqədə "Leyptsiq" açıb. Dani Olmo fərqlənib. 71-ci dəqiqədə "Atletiko"nun hücumçusu Joao Feliks penaltidən fərqlənməklə tarazlığı bərpa edib. Oyunun əsas vaxtının başa çatmasına 2 dəqiqə qalmış isə Tayler Adams "Leyptsiq"i yenidən önə çıxarıb. Yekunda 2:1 hesablı qələbə qazanan Almaniya klubu tarixində ilk dəfə adını yarımfinala yazdırıb.
Qeyd edək ki, "Leyptsiq" yarımfinalda Fransa çempionu PSJ ilə qarşılaşacaq.
1/4 finalın növbəti oyunu bu gün İspaniya “Barselona”sı və Almaniya “Bavariya”sı arasında olacaq.