BolgeXeber.Com » İdman » "Sevilya" 6-cı dəfə UEFA Avropa Liqasının qalibi oldu

"Sevilya" 6-cı dəfə UEFA Avropa Liqasının qalibi oldu

22-08-2020, 09:28

Oxunub: 1 432

"Report"un məlumatına görə, turnirin final oyununda İspaniya "Sevilya"sı ilə İtaliya "İnter"i üz-üzə gəlib.
Almaniyanın Köln şəhərində keçirilən matçda 3:2 hesablı qələbə qazanan La Liqa klubu titula sahib çıxıb.
Matçda hesab erkən açılıb. 5-ci dəqiqədə Romelu Lukaku penaltidən fərqlənərək "İnter"i önə keçirib. Lakin "Sevilya"nın bu qola cavabı çox gecikməyib. Cəmi 7 dəqiqə sonra Lük de Yonq tarazlığı bərpa edib. Niderlandlı hücumçu 33-cü dəqiqədə komandasının ikinci qoluna imza atıb. Bu dəfə də ispaniyalıların sevinci uzun çəkməyib. 3 dəqiqə sonra Dieqo Qodin hesabı bərabərləşdirib. İlk hissə heç-heçə başa çatıb.
İkinci yarı da qarşılıqlı hücumlarla başlayıb. Buna baxmayaraq, fasilədən sonra cəmi 1 qol vurulub. Dieqo Karlos 74-cü dəqiqədə görüşdə son nöqtəni qoyaraq "Sevilya"ya Avropa Liqasında 6-cı çempionluğu qazandırıb. Bununla da əndəlusiyalılar özlərinə məxsus rekordu yeniləyiblər.
Qeyd edək ki, "Sevilya" UEFA Avropa Liqasında mübarizəyə "Qarabağ"ın da yer aldığı A qrupunda başlamışdı.

Çox Oxunanlar