BolgeXeber.Com » İdman » “Qarabağ”ın “tamam, yoxsa davam” matçı - AFİŞA

“Qarabağ”ın “tamam, yoxsa davam” matçı - AFİŞA

5-11-2020, 10:17
Oxunub: 1 128 “Qarabağ” UEFA Avropa Liqasında növbəti oyununu keçirəcək.
Qurban Qurbanovun komandası qrupdakı üçüncü matçında “Sivasspor”la üz-üzə gələcək.
İlk iki oyunlarında məğlub olmuş hər iki komanda ilk dövrəni xalsız bitirməmək üçün mübarizə aparacaqlar.
Mövcud müharibə şəraiti ilə əlaqədar olaraq ev oyunlarını neytral meydanda – İstanbulda keçirən “Qarabağ” əvvəlcə Təl-Əvivdə “Makkabi”yə 0:1, ardınca isə “ev”də “Vilyarreal”a 1:3 hesabı ilə uduzub. Növbəti xal itkisi ağdamlıların qrupdan çıxmaq ehtimalını minimuma endirəcək.
Maraqlıdır ki, bu oyun “Qarabağ”ın rəsmi oyunlarda qardaş ölkə təmsilçiləri ilə ilk qarşılaşmasıdır.
Qeyd edək ki, “Sivasspor” - “Qarabağ” oyunu Bakı vaxtı ilə saat 21:55-də başlayacaq.
Avropa Liqası
İ qrupu, III tur
5 noyabr

21:55. “Sivasspor” (Türkiyə) – “Qarabağ” (Azərbaycan)
Baş hakim: Sandro Şarer (İsveçrə)
Sivas. “Yeni 4 Eylül” stadionu