Bizimlə əlaqə | Reklam
BolgeXeber.Com » İdman » Çempionlar Turu: Məmmədyarovdan 3 qələbə, Rəcəbovdan 4 heç-heçə

Çempionlar Turu: Məmmədyarovdan 3 qələbə, Rəcəbovdan 4 heç-heçə

26-04-2021, 10:30
Oxunub: 5 040 Şahmat üzrə norveçli dünya çempionu Maqnus Karlsenin təşkil etdiyi Çempionlar Turunun "New In Chess" adlı V mərhələsində daha 5 tur oynanılıb.
"Report"un məlumatına görə, ikinci oyun günündə Azərbaycan təmsilçilərindən Teymur Rəcəbov Hikaru Nakamura, Uesli So (hər ikisi ABŞ) və Yan-Kşiştof Duda (Polşa) ilə ağ, Alireza Firuzca (FIDE) və Rameşbabu Praqqnanandha (Hindistan) ilə qara fiqurlarla mübarizə aparıb. Görüşlərindən 4-nü heç-heçə ilə başa vuran Rəcəbov Praqqnanandhaya uduzub.
Şəhriyar Məmmədyarov isə Sergey Karyakin (Rusiya) və Lenyer Dominges (ABŞ) ilə ağ, Qaveyn Cons (Böyük Britaniya), Le Kuanq Lyem (Vyetnam) və Vidit Qucrati (Hindistan) ilə qara fiqurlarla qarşılaşıb. O, Karyakin, Dominges və Qucratini yenib, Consla heç-heçə edib, Lyemə isə uduzub.
Çempionlar Turu, V mərhələ
"New In Chess"
25 aprel
VI tur
Qaveyn Cons (Böyük Britaniya) - Şəhriyar Məmmədyarov - 0,5:0,5
Teymur Rəcəbov - Hikaru Nakamura (ABŞ) - 0,5:0,5
VII tur
Alireza Firuzca (FIDE) - Teymur Rəcəbov - 0,5:0,5
Şəhriyar Məmmədyarov - Sergey Karyakin (Rusiya) - 1:0
VIII tur
Le Kuanq Lyem (Vyetnam) - Şəhriyar Məmmədyarov - 1:0
Teymur Rəcəbov - Yan Kşiştof Duda (Polşa) - 0,5:0,5
IX tur
Rameşbabu Praqqnanandha (Hindistan) - Teymur Rəcəbov - 1:0
Şəhriyar Məmmədyarov - Lenyer Dominges (ABŞ) - 1:0
X tur
Vidit Qucrati (Hindistan) - Şəhriyar Məmmədyarov - 0:1
Teymur Rəcəbov - Uesli So (ABŞ) - 0,5:0,5
Bu nəticələrdən sonra xallarını 6-ya çatdıran Məmmədyarov və Rəcəbov 5-6-cı yerlərdə qərarlaşıb. 4-cü yerdə gedən Lyemin də eyni xalı var. Karlsen 7 xalla liderdir, Firuzca və Nakamura hərəyə 6,5 xalla 2-3-cü yerləri bölüşür.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]