Bizimlə əlaqə | Reklam
BolgeXeber.Com » İdman » "Neftçi" azarkeşlərini sevindirə biləcəkmi?

"Neftçi" azarkeşlərini sevindirə biləcəkmi?

23-07-2013, 10:50
Oxunub: 7 175 Bu gün futbol üzrə UEFA Çempionlar Liqasında ikinci təsnifat mərhələsinin cavab oyunları keçirilir. Azərbaycan çempionu “Neftçi” də bu turnirdəki növbəti matçına çıxır.

Komandamız ilk cəhdində Albaniya çempionu “Skenderbeu”nu mübarizədən kənarlaşdırmalıdı. Hansı ki, “Neftçi” kimi, bu komanda da son üç mövsümdə ardıcıl olaraq ölkə çempionu adını qazanıb. Növbəti mərhələyə adlamaq yolunda hər şeyə elə ilk oyunda - Bakıda aydınlıq gətirməli olan Böyükağa Hacıyevin komandası həmin görüşdə ümidləri qətiyyən doğrultmadı. İşini çətinləşdirən təmsilçimiz növbəti mərhələyə vəsiqənin taleyinə rəqib meydanında keçirilən cavab matçında aydınlıq gətirmək məcburiyyətində qalıb.

Yeri gəlmişkən 23 iyul Ağdamın işğal günü olduğundan "Neftçi" meydana qara sarğı ilə çıxmaq və oyundan qabaq 1 dəqiqəlik sükut üçün UEFA-ya məktub ünvanlayıb.

Dünyanın məşhur totalizatorları bu cütdə "Neftçi"nin növbəti mərhələ imkanlarıa daha yüksək qiymətləndirirlər. "Neftçi"nin qələbəsi 1,85 əmsalla qiymətləndirildiyi halda, ev sahiblərinin qələbəsinə 3,9 əmsal verilib.

Qeyd edək ki, bu komandalar arasında Bakıda keçirilmiş ilk görüşdə hesab açılmamışdı – 0:0.

Çempionlar Liqası
İkinci təsnifat mərhələsi (cavab oyunu)
23 iyul

23:00. "Skenderbeu" - "Neftçi"
Baş hakim: Pavel Gil (Polşa)
Korçe. “Skenderbeu” stadionu.
İlk oyun – 0:0/avrofutbol.com/
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]