BolgeXeber.Com » İdman » DÇ-2022: Bu gün 1/8 finalın daha 2 oyunu keçiriləcək

DÇ-2022: Bu gün 1/8 finalın daha 2 oyunu keçiriləcək

5-12-2022, 10:38
Oxunub: 2 880 Qətərdə təşkil olunan dünya çempionatında bu gün 1/8 final mərhələsinin daha 2 oyunu keçiriləcək.
İlk matçında Yaponiya millisi Xorvatiya ilə üz-üzə gələcək. ABŞ-dan olan FIFA referisi İsmail Elfatın idarə edəcəyi görüş Bakı vaxtı ilə saat 19:00-da başlayacaq.
Günün son qarşılaşmasında isə Braziliya seçməsi Cənubi Koreya kollektivi ilə münasibətlərinə aydınlıq gətirəcək. Oyunun baş hakimi fransalı Kleman Türpen olacaq. Görüş Bakı vaxtı ilə saat 23:00-da start götürəcək.
Bu cütlərin qalibi 1/4 finalda bir-birinə rəqib olacaq.
DÇ-2022
1/8 final mərhələsi
5 dekabr
19:00. Yaponiya – Xorvatiya
Baş hakim: İsmail Elfat (Braziliya)
“Əl Cənub” stadionu
23:00. Braziliya – Cənubi Koreya
Baş hakim: Kleman Türpen (Fransa)
“974” stadionu
Qeyd edək ki, daha əvvəl Niderland, Argentina, Fransa və İngiltərə yığmaları 1/4 finala vəsiqə qazanıblar.