BolgeXeber.Com » İdman » Heydər Əliyevin 100 illik yubileyinə həsr olunan həvəskar dağ-xizəyi yarışının uşaqlar arasında keçirilən mərhələsi baş tutub

Heydər Əliyevin 100 illik yubileyinə həsr olunan həvəskar dağ-xizəyi yarışının uşaqlar arasında keçirilən mərhələsi baş tutub

20-02-2023, 10:06
Oxunub: 2 672

Bolgexeber.com xəbər verir ki, fevralın 19-da Qış İdman Növləri Federasiyasının və “Şahdağ” Turizm Mərkəzinin təşkilatçılığı, eləcə də Gənclər və İdman Nazirliyinin, Dövlət Turizm Agentliyinin və Milli Olimpiya Komitəsinin dəstəyi ilə keçirilən Ümummilli lider Heydər Əliyevin 100 illik yubileyinə həsr olunan həvəskar dağ-xizəyi yarışının uşaqlar arasında keçirilən mərhələsi baş tutub.


İdman tədbirinə öncədən qeydiyyatdan keçən və 3 müxtəlif yaş kateqoriyasında olan 55 qız və oğlan xizəkçi yarışın “Slalom Gigant” növü üzrə mübarizə aparıblar. Balaca idmançılar 500 metrlik məsafəni sürətlə qət edərək yüksək nəticə əldə etməyə çalışıblar.

 

Yarışın nəticələri aşağıdakı kimi olub:

 

- Qızlar arasında 3-6 yaş kateqoriyası üzrə:

Arina Nağayeva (Azərbaycan)

Lea Makkenal (Böyük Britaniya)

Aleksandra Kuskiana (Rusiya Federasiyası)
 

- Oğlanlar  arasında 3-6 yaş kateqoriyası üzrə:

Mixayıl Filipov (Rusiya Federasiyası)

Kiril Kostin (Rusiya Federasiyası)

Matvey Bivol  (Rusiya Federasiyası)
 

- Qızlar arasında 9-12 yaş kateqoriyası üzrə:

Darya Darodnaya (Rusiya Federasiyası)

Milana Baqdanova (Rusiya Federasiyası)

Nurel Hacıbəyli (Azərbaycan)
 

- Oğlanlar arasında 9-12 yaş kateqoriyası üzrə:

Amin Şixov (Azərbaycan)

Kaan Mədetoğlu (Türkiyə)

Artem Sleptsov (Ukrayna)
 

- Qızlar arasında 13-17 yaş kateqoriyası üzrə:

Məryəm Sofiyeva (Azərbaycan)

Valeriya Dudçenka (Rusiya Federasiyası)

Mədinə Abdullayeva (Azərbaycan)
 

- Oğlanlar arasında 13-17 yaş kateqoriyası üzrə:

Kayl Makkey (Böyük Britaniya)

Karl-Leo Panke (Almaniya

İsmayıl Tağızadə (Azərbaycan)
 

Qaliblər “Şahdağ” Turizm Mərkəzi tərəfindən medallar və kubokla təltif olunub.Həmçinin onlara Milli Olimpiya Komitəsi tərəfindən diplomlar və müxtəlif həvəsləndirici hədiyyələr təqdim edilib. Tədbirdə Qış İdman Növləri Federasiyasının prezidenti Fuad Nağıyev qonaq qismində iştirak edib.

Qeyd edək ki, fevralın 18-dən start götürən 2 günlük yarışın 1-ci günündə böyüklər arasında 3 müxtəlif yaş kateqoriyasında olan qadın və kişilər birincilik uğrunda mübarizə aparıblar. Qaliblər medallar və diplomlarla təltif olunublar.