Modriç rekorda imza atdı

"Real"ın futbolçusu Luka Modriç yeni rekorda imza atıb.

Bolgə.TV xəbər verir ki, bu barədə "Marca" məlumat yayıb.

Xorvatiyalı 35 yaşdan sonra paytaxt təmsilçisinin heyətində 161-ci qarşılaşmasını keçirib. O, bu göstəriciyə görə 1986-1997-ci illərdə "Kral klubu"nun formasını geyinmiş Fransisko Buyonu (160 oyun) geridə qoyub.

238 yaşlı yarımmüdafiəçi buna "Kadis"ə 3:0 hesabı ilə qalib gəldikləri La Liqanın 14-cü turunun matçında iştirak etməklə nail olub.

Qeyd edək ki, Luka Modriç cari mövsüm bütün turnirlərdə 16 görüşdə meydanda olub və iki məhsuldar ötürmə ilə yadda qalıb. Onun "Real"la hazırkı müqaviləsinin müddəti mövsümün sonunda başa çatacaq.