BolgeXeber.Com » İdman » "Qalatasaray"-"Yuventus" oyunu bu gün saat 18:00-da olacaq - (Video, Foto)

"Qalatasaray"-"Yuventus" oyunu bu gün saat 18:00-da olacaq - (Video, Foto)

11-12-2013, 10:40

Oxunub: 4 053

Çempionlar Liqasının son turunda oynanan "Qalatasaray"-"Yuventus" oyunu İstanbula güclü qar yağmağa başlaması üzündən matçın 31-ci dəqiqəsində yarımçıq dayandırılıb.

Virtualaz.org xəbər verir ki, oyunu dayandırmaq qərarını UEFA komissarı ilə məsləhətləşən hakimlər briqadası verib. Oyunun portuqaliyalı baş hakimi meydandakı xətləri görə bilməyincə oyunu dayandırıb. Onun oyunu rəngli topla davam etdirmək səyləri də nəticəsiz qalıb.

Əvvəlcə stadionun texniki işçiləri ot örtüyünü sürətlə bürüyən qarı təmizləməyə çalışıblar. Amma güclü qar onların bu səylərini heçə çıxarıb. Beləliklə, "Qalatasaray"-"Yuventus" oyunu dayandırılıb. 31-ci dəqiqədə yarımçıq dayandırılan oyunda hesab 0:0 idi.

Son anda verilən məlumata görə, "Qalatasaray"-"Yuventus" oyunu bu gün - dekabrın 11-də Bakı vaxtı ilə saat 18:00-da qaldığı yerdən, yəni 31-ci dəqiqədən davam etdiriləcək. Bu məlumat "Qalatasaray" klubunun rəsmi facebook səhifəsində yerləşdirilib.
Bolgexeber.com

Bolgexeber.com

Çox Oxunanlar