Bizimlə əlaqə | Reklam
BolgeXeber.Com » İdman » Məşhur boksçu vəfat etdi

Məşhur boksçu vəfat etdi

22-03-2025, 13:37
Oxunub: 3 944 Boks üzrə ağır çəkidə keçmiş dünya çempionu amerikalı Corc Forman 76 yaşında vəfat edib.
Bolgə.tv xəbər verir ki, bu barədə onun yaxınları İnstaqram səhifəsindəki hesabında məlumat yayıblar.
"21 mart 2025-ci ildə yaxınlarının əhatəsində dinc şəkildə dünyasını dəyişən sevimli Corc Edvard Formanın vəfatını dərin hüznlə bildiririk. Dualarınıza görə minnətdarıq", - paylaşımda deyilir.
C.Forman 1949-cu ildə ABŞ-da anadan olub, 1969-77-ci illərdə və 1987-97-ci illərdə ağır çəki dərəcəsində yarışıb. Amerikalı Dünya Boks Şurasının (WBC), Ümumdünya Boks Assosiasiyasının (WBA), Beynəlxalq Boks Federasiyasının (IBF) və Ümumdünya Boks Təşkilatının (WBO) çempionu olub. O, iki dəfə "The Ring" jurnalı tərəfindən "İlin boksçusu" mükafatına layiq görülüb (1973, 1976). 1994-cü ildə 45 yaşında boks tarixində ən yaşlı dünya çempionu olub, 2010-cu ildə WBA və IBF titullarını qazanıb, bu rekordu həmyerlisi Bernard Hopkins qırsa da, Forman ən yaşlı ağır çəki çempionu olaraq qalıb.
Məhəmməd Əli və Corc Forman arasında birincinin qələbəsi ilə 1974-cü ildə baş tutan görüş boks tarixinin ən maraqlı qarşılaşmalarından biridir.
1968-ci il Olimpiya Oyunlarında da qızıl medal qazanıb. Ümumilikdə, Forman peşəkar rinqdə 81 döyüş keçirib, onlardan 76-da qalib gəlib (68-i nokautla), beşində isə uduzub.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]