BolgeXeber.Com » BÖLGƏ TV » İnternat məktəbində döyüldüyü bildirilən uşaq: "Yıxılmışam"-VİDEO

İnternat məktəbində döyüldüyü bildirilən uşaq: "Yıxılmışam"-VİDEO

21-05-2014, 09:35

Oxunub: 3 431

Bakıda 7 saylı internat məktəbinin şagirdinin döyülməsi barədə yayılan xəbərlə bağlı araşdırma davam edir.

APA TV-nin çəkiliş qrupu hadisə yerində olub. Məktəbin qarşısında saatlarla gözləyəndən sonra Suraxanı rayon Pİ 31-ci polis bölməsinin baş təhqiqatçısı polis mayoru Rasim Seyidov açıqlama verməyə razı olub. Onun sözlərinə görə, döyüldüyü iddia edilən uşaq izahat verib və onu heç kəs döyməyib: "Mayın 16-da yıxılıb. İkinci dərs zamanı Şahnaz müəllimədən ayaqyoluna getmək üçün icazə alıb. Orda yer su olduğundan yıxılıb, başı dəyib. Ekspertizanın nəticəsindən aslıdır. Amma izahatında səmimi deyir ki, yıxılıb".

Mahir izahatında bir neçə müəllimənin onun şəklini çəkdiyini də bildirib: "Araşdırma davam edir. Müəllimələrin izahatını alacağıq. Uşaq izahatında yazır ki, bir qrup müəllim onun sinifdə şəkilini çəkib. Onunla bağlı araşdırma aparılır. İzahatında 4 nəfər müəllimənin adını çəkir. Araşdırma davam etdirilir".

Çox Oxunanlar