BolgeXeber.Com » BÖLGƏ TV » Beşbarmaq ziyarətgahında fırıldaq: insanlar kuklaya səcdə edirlər? (VİDEO)

Beşbarmaq ziyarətgahında fırıldaq: insanlar kuklaya səcdə edirlər? (VİDEO)

2-06-2014, 17:20

Oxunub: 3 132

Xızıda yerləşən Beşbarmaq ziyarətgahında maraqlı fakt qeydə alınıb.

Məlumatına görə, sosial şəbəkələrdə yayılan videoda görünür ki, ziyarətgahda kukla qoyulub. İnsanlar həmin kuklanın başına fırlanır və ora nəzir qoyurlar. Pulları isə həmin ərazidə dayanan qadın götürür.

Əslində isə bu İslam dinində böyük günahdır. Bunu açıqlamasında ilahiyyatçı alim Mircəfər Əyyubov bildirib. Onun sözlərinə görə, kimlərsə cahil insanların inanclarından istifadə edir və pul qazanır.

“İnsanların mənəvi ocaqlara ehtiyacından yaranır. Hansısa ziyarətgahda ürəyini boşaltmaq istəyirlər. lakin bilməlidirlər ki, ümumiyyətlə peyğəmbərlərin, imamların və imamzadələrin ziyarətgahlarından başqa, bütün pirlər sual altındadır. Seyid nəslindən olanlara hörmət edirlər. Lakin bəzən görürsən ki, seyidlər arasında da, dinin qanunlarına əməl etməyənlər var. Bu sadəcə insanların avam davranışıdır”, - deyə Mircəfər Əyyubov qeyd edib.

Onun fikrincə, belə əmələ mütləq son qoyulmalıdır. Çünki bu fırıldağım iştirakçıları ilə yanaşı, buna inananların özləri də bəyənilməyən iş görür.

Çox Oxunanlar