Bizimlə əlaqə | Reklam
BolgeXeber.Com » BÖLGƏ TV » Şəhid ailələri 11000 manatlarını ala bilmirlər – video

Şəhid ailələri 11000 manatlarını ala bilmirlər – video

2-07-2014, 15:15
Oxunub: 4 689 Şikayətçilərin ümidi Milli Məclisin növbəti iclasına qalıb

Şəhid ailələri onlar üçün nəzərdə tutulmuş sığorta pulunu ala bilmir.İki ilə yaxındır ki, bir qrup şəhid ailələri onlar üçün nəzərdə tutulmuş sığorta məbləğini əldə edə bilmir.

Müharibə dövründə yaxınlarını itirmiş ailələrə sığorta pulu ayrıldığını eşidəndə onlar Dövlət Sığorta Şirkətinə müraciət ediblər. Ancaq heç bir manat da ala bilmədiklərini görən ailələr üz tutublar məhkəməyə. İki il ərzində ayrı-ayrı vaxtlarda hər bir şikayətçi qətnamə ilə təmin olunub.

Məhkəmə qətnaməsinə görə şahid ailələrinə 11000 manat məbləğində ödəniş olunmalıdır. Amma işin icrası hələ də qalmaqdadır.

Dövlət Sığorta Şirkətindən məsələnin təfərrüatlarını öyrənmək istəsək də sədr yerində olmadı. Sədr müavini Aftandil Hacıyev şikayətçiləri qəbul edib bildirdi ki, Dövlət Sığorta Şirkəti sülh dövründə hərbiçilərin yaralanması və ya şəhid olması zamanı sığorta pulu ödəyir. Ancaq hazırki vəziyyət 1992-93-cü illərdə şəhid olmuş şəxslərlə bağlıdır. Buna baxmayaraq dövlət vəsaiti ayrılarsa onda hər bir şəhid ailəsi onlar üçün nəzərdə tutulmuş məbləği əldə edəcək.

Şikayətçilərin isə ümidi Milli Məclisin növbəti iclasına qalıb. Məsələ müzakirəyə çıxarıldıqdan və bütün ödəniş qaydaları müəyyənləşdikdən sonra onlar üçün ayrılmış sığorta pulları ödəniləcək. Hələliksə şəhid yaxınlarına səbr etmək qalır.

ans
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]