Bizimlə əlaqə | Reklam
BolgeXeber.Com » BÖLGƏ TV » Azərbaycanlı "kəşfiyyatçı" KamAZ sürücüsü çıxdı (VİDEO)

Azərbaycanlı "kəşfiyyatçı" KamAZ sürücüsü çıxdı (VİDEO)

11-07-2014, 17:50
Oxunub: 5 283 Cəbhə xəttində Ermənistan tərəfinə əsir düşdüyü deyilən Şahbaz Quliyev əslən Tərtərin Qapanlı kəndindəndir. ANS TV-nin əməkdaşları onun yaxınları ilə görüşüb. Şahbaz Quliyevin əsir düşməsindən xəbərsiz olan yaxınları onun diversant olduğu barədə erməni mətbuatının yaydığı iddiaların əsassız olduğunu bildirib. Ş.Quliyevin əmisi oğlu Natiq Quliyev onun KamAZ sürücüsü olduğunu, bu yolla ailəsini dolandırdığını bildirdi.

Natiq Quliyevin sözlərinə görə, Şahbaz Quliyev keçən ayın 20-də qardaşları ilə bir yerdə olub.

Xatırladaq ki, bu gün cəbhə xəttində bir azərbaycanlının Ermənistan tərəfə əsir düşdüyü deyilirdi. Ermənistan mətbuatı əsir düşən şəxsin 1968-ci il təvəllüdlü Quliyev Şahbaz Cəlal oğlu olduğunu yazır.

Erməni tərəfi iddia edir ki, Şahbaz Quliyevin Dağlıq Qarabağa keçən Azərbaycan kəşfiyyat-diversiya qrupunun üzvüdür.

Azərbaycan Müdafiə Nazirliyi isə açıqlama verib ki, Ermənistan kütləvi informasiya vasitələrində yayılan məlumatda adı çəkilən şəxs Azərbaycan Respublikası Silahlı Qüvvələrində xidmət etmir.

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]