BolgeXeber.Com » BÖLGƏ TV » Mehman Hüseynov: “Səyyad Əlizadə cahil adamdır”

Mehman Hüseynov: “Səyyad Əlizadə cahil adamdır”

12-07-2014, 15:45

Oxunub: 5 080

“Dava-dalaşa səbəb olan çarxı hazırlayarkən onu təhqir etməyi nəzərdə tutmamışam"

“Bu insan yenə də gündəmə gəlmək üçün bu cür axırıncı yola əl atır. İlk növbədə tərbiyəsizin böyüyü onun özüdür. O, təkcə tərbiyəsiz deyil, həm də savadsızdır. Çünki tərbiyəsizliyi yaradıcılıqdan ayıra bilməyəcək qədər cahildir”.

Bu sözləri Axar.az-a açıqlamasında tanınmış bloqçu Mehman Hüseynov müğənni Səyyad Əlizadənin onun barəsində söylədiklərinə münasibət bildirərkən dedi. Bloqçu onu da bildirdi ki, Səyyad Əlizadə onun adı ilə gündəmə gəlmək niyyətindədir:

“Dava-dalaşa səbəb olan çarxı hazırlayarkən onu təhqir etməyi nəzərdə tutmamışam. Çəkdiyimiz video-çarx dünyanın bütün normal ölkələrində qəbul edilən, alqışlanan yaradıcılıq növü sayılır. Səyyad Əlizadə bu yaradıcılığı anlamırsa, bu bizim problemimiz deyil. Hər müsahibəsində mənə bu cür söz atmaqla yenidən gündəmə gəlmək istəməsi yəqin ki, hər kəsə aydındır”.

Mehman Hüseynov yaradıcı fəaliyyət ilə tərbiyəsizliyi ayırd edə bilməməyin gülünc olduğunu deyib:

“Mənə minnət qoymasın, getsin, versin məhkəməyə. Mən ona efirdə də bildirmişəm ki, get, ver məhkəməyə, görək nə edəcəksən. Məhkəməyə versə, öz sənətini öz əlləri ilə bitirəcək. Çünki yaradıcı fəaliyyətlə məşğul olduğu üçün bir insanı məhkəməyə verən şəxs mütləq gülüş obyektinə çevriləcək”.

Xatırladaq ki, Mehman Hüseynov ilə Səyyad Əlizadənin arasındakı söz davası bloqçunun 2012-ci ildə hazırladığı və müğənninin klipini tənqid edən videodan sonra yaranıb.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]