BolgeXeber.Com » BÖLGƏ TV » Ağır qəza törədən polis rəisin köməkçisi imiş

Ağır qəza törədən polis rəisin köməkçisi imiş

29-07-2014, 10:45

Oxunub: 4 889

Dünən saat 16:30 radələrində Şəki ərazisində ailəsilə ağır qəzaya düşən Bakı sakini Samir Əmrahovla bağlı maraqlı məqam ortaya çıxıb.

Goranboy rayon Polis Şöbəsinin əməkdaşı kimi təqdim edilən bu şəxs rəisin köməkçisi imiş. Bildirilir ki, S.Əmrahov Şöbə rəisi Fəqan Azadəliyevin “sağ əli” kimi tanınır.

Yəqin, ona görə ki, rəis hansı rayona vəzifəyə təyin olunursa, S.Əmrahov da onunla bərabər həmin rayonda işə başlayır.

Belə ki, Fəqan Azadəliyev Yardımlı Rayon Polis Şöbəsinin rəisi, ondan əvvəl Suraxanı Rayon Polis İdarəsinin 30-cu Polis Bölməsinin rəisi olarkən də S.Əmrahov onun köməkçisi olub.

Qeyd edək ki, qəza nəticəsində polisin ailə üzvlərində üçü xəarət alıb, biri isə dünyasını dəyişib. Hadisə Şəki-Qax yolunun 31-ci km-də Şəkinin Aşağı Göynük kəndi ərazisində qeydə alınıb. S.Əmrahovun idarə etdiyi 90-AP-809 dövlət nömrə nişanlı "Nissan" markalı avtomobillə Bakı istiqamətində hərəkətdə olarkən qəfildən idarəetməni itirib və avtomobili yol kənarındakı işıq dirəyinə çırparaq aşırıb. Nəticədə sürücü, onun həyat yoldaşı Əmrahova Asudə Əzim qızı və onların qızı Əmrahova Zümrüd Samir qızı müxtəlif dərəcəli bədən xəsarətləri alıblar. Onların digər qızı 2006-cı təvəllüdlü Əmrahova Suada Samir qızı isə elə hadisə yerindəcə dünyasını dəyişib. Xəsarət alanlar hadisə yerinə cəlb olunmuş həkim briqadası ilə dərhal Şəki rayon Mərkəzi Xəstəxanasına çatdırılıblar.

İlkin məlumatlara görə, hadisənin baş verməsinə səbəb avtomobilin təkərinin partlaması olub.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]