Bizimlə əlaqə | Reklam
BolgeXeber.Com » BÖLGƏ TV » Bakıda 500 manata "Jiquli" satan tutuldu-VİDEO

Bakıda 500 manata "Jiquli" satan tutuldu-VİDEO

23-01-2015, 11:45
Oxunub: 4 682 Bakı şəhərinin müxtəlif ərazilərindən VAZ markalı avtomobilləri oğurlayan şəxslərdən biri ələ keçib

Polis əməkdaşları Masazır sakini Dəmirov Azər Qalib oğlunu şübhəli şəxs qismində saxlayıblar. Polislər Azərin yaşadığı evin qapısında saxladığı “VAZ-2106” markalı maşından şübhələniblər. Avtomobilə baxış zamanı məlum olub ki, maşın oğurluqdur və üzərindəki dövlət nömrə nişanı başqa avtomobilə aiddir. Azər Dəmirov polis şöbəsinə gətirilib. Məlum olub ki, “VAZ-2106” Bakının Binəqədi rayonu ərazisindən qaçırılıb.

Azər Dəmirov ilkin dindirmə zamanı etiraf edib ki, bu, oğurladığı yeganə avtomobil deyil. Belə ki, o, Teymur adlı şəxslə əlbir olaraq, Bakının müxtəlif ərazilərindən 8 ədəd VAZ avtomobili oğurlayıb. Maşınlar əvvəlcə Masazıra - Azərgilin həyətinə aparılıb. Daha sonra "qənimət" avtomobillər Gəncəyə sürülüb və orada real dəyərindən çox ucuz qiymətə satılıb:

Teymur adlı şəxs hələ saxlanılmasa da, Azər Dəmirov avtomobillərin məhz onun əldə etdiyi xüsusi açarlarla açıldığını və işə salındığını bildirib. Maşınların Gəncədə satıldığı qiymət isə çox ucuz olub: "Teymur satırdı maşınları. Deyirdi ki, 400-500 manata satıram. Gəlirdi, pulu bölürdük".

Faktla bağlı Abşeron Rayon Polis Şöbəsində cinayət işi başlanıb. Teymur adlı şəxsin tapılması istiqamətində əməliyyat-axtarış tədbirləri davam etdirilir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]