BolgeXeber.Com » BÖLGƏ TV » Zorakılıqla bağlı məlumat bankı yaradıldı

Zorakılıqla bağlı məlumat bankı yaradıldı

21-12-2011, 10:40

Oxunub: 5 725

Azərbaycan Nazirlər Kabineti "Məişət zorakılığı ilə bağlı məlumat bankının təşkili və aparılması Qaydaları"nı təsdiq edib.

Nazirlər Kabinetindən Bolgexeber.com-a verilən məlumata görə, baş nazir Artur Rəsi-zadənin qərarı ilə məlumat bankı Azərbaycan Respublikasının Ailə, Qadın və Uşaq Problemləri üzrə Dövlət Komitəsi tərəfindən yaradılacaq. Dövlət orqanları və məişət zorakılığından zərər çəkmiş şəxslərə yardım mərkəzləri məişət zorakılığı halları ilə bağlı məlumatları Komitəyə təqdim etməlidirlər.

Məlumat bankında baş vermiş məişət zorakılığı halları, məişət zorakılığı halları ilə bağlı dövlət orqanlarına müraciət etmiş şəxslər, məişət zorakılığı halları ilə əlaqədar məsuliyyətə cəlb edilmiş şəxslər valideynlik hüquqlarından məhrum edilmiş və ya valideynlik hüquqları məhdudlaşdırılmış şəxslər, eləcə də valideynlik hüquqları bərpa edilmiş və ya valideynlik hüquqlarının məhdudlaşdırılması ləğv edilmiş şəxslər, məlumat akkreditə edilmiş yardım mərkəzləri və onların fəaliyyəti barədə məlumatlar, məişət zorakılığı halları ilə bağlı aparılmış araşdırmalar və araşdırmaların nəticələri, məhkəmə qərarları toplanacaq.

Məlumatlar cinayət təqibi orqanları, Əmək və Əhalinin Sosial Müdafiəsi Nazirliyi, yerli icra hakimiyyəti orqanları, yardım mərkəzləri tərəfindən göndərilə bilər.

Çox Oxunanlar