BolgeXeber.Com » BÖLGƏ TV » Bakıda özünü polis işçisi kimi təqdim edən sərxoş sürücü saxlanıldı - VİDEO

Bakıda özünü polis işçisi kimi təqdim edən sərxoş sürücü saxlanıldı - VİDEO

7-03-2015, 16:50

Oxunub: 3 595 Bakıda özünü polis işçisi kimi təqdim edən sərxoş sürücü saxlanıldı - VİDEO

Bakı Şəhər Dövlət Yol Polisi İdarəsinin (BŞDYPİ) əməkdaşları sərxoş sürücülərə qarşı reyd keçirib

"Report"un məlumatına görə, Nəsimi rayonu, Rəşid Behbudov prospektində yol hərəkəti qaydalarını pozduğu üçün "Toyota" markalı maşının sürücüsü Anar Ramiz oğlu Rzayev saxlanılıb. Yoxlama zamanı sürücünün maşını sərxoş vəziyyətdə idarə etdiyi məlum olub. Sürücüyə sərxoşluq müayinəsindən keçmək təklif olunub. Amma A.Rzayev yol polislərini aldatmağa cəhd göstərib və özünü Nərimanov Rayon Polis İdarəsinin 18-ci Polis Bölməsinin əməkdaşı kimi təqdim edib. Araşdırma zamanı A.Rzayevin polis əməkdaşı olmadığı məlum olub. O, məsuliyyətdən yayına bilmək üçün bilərəkdən özünü polis kimi təqdim etdiyini bildirib. Həkim müayinəsinə gətirilən zaman isə sürücü qaçmağa cəhd edib, lakin onu saxlayıblar.
Həkim müayinəsi zamanı A.Rzayevin sərxoş olduğu sübuta yetirilib. Sürücü barəsində protokol tərtib edilib, idarə etdiyi nəqliyyat vasitəsi isə cərimə meydançasına aparılırb.
BOLGEXEBER.COM

Çox Oxunanlar