Bizimlə əlaqə | Reklam
BolgeXeber.Com » BÖLGƏ TV » Bakıda polis pritona basqın etdi

Bakıda polis pritona basqın etdi

28-01-2012, 16:00
Oxunub: 7 579 Əxlaqsızlıq edən qadınlar ekspertizaya aparıldı

Yanvarın 27-də Bakı şəhərinin Səbail rayonu, Xaqani küçəsi 12 ünvanında əxlaqsızlıq yuvası aşkar edilib. Bolgexeber.com-a daxil olan məlumata görə, “Massaj xidmətləri” adı altında fəaliyyət göstərən salon bu ilin yanvar ayının 8-dən fəaliyyət göstərsə də, son günlər ərzində salon öz mahiyyətini dəyişib. Buraya gələn müştərilərə intim münasibətlər də təklif olunmağa başlanılıb. Ətrafda yaşayan vətəndaşların şikayətindən sonra Səbail rayon 39-cu Polis Bölməsinin əməkdaşları həmin ünvana baxış keçiriblər. Keçirilən əməliyyat tədbirləri zamanı 5 qız həmin salonda intim xidmətlər göstərdiyi üçün polis tərəfindən saxlanılıb.

Elə həmin obyektə sahiblik edən Ağayev Fail Məmməd oğlu və onun qardaşı Rail Ağayev də ifadələrinin alınması və barələrində ölçü götürülməsi üçün polis bölməsinə gətirilib. “Massaj salonu” adı altında fəaliyyətə başlayıb sonradan öz funksiyasını dəyişən obyektə havadarlıq edən Rail və Fail Ağayev qardaşlarının fikrini öyrənə bilməsək də, polis onların artıq ifadəsini alıb.

39-cu Polis Bölməsindən verilən məlumata görə, salon “AKFA” adı altında Xaqani küçəsi 12 ünvanındakı mənzildə fəaliyyət göstərib. Orada yaxalanan qadınlar tibbi ekspertizadan keçirilməsi üçün aidiyyatı üzrə göndərilib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]