BolgeXeber.Com » BÖLGƏ TV » Bakıda qayın yeznəsini güllələdi

Bakıda qayın yeznəsini güllələdi

8-02-2012, 11:15

Oxunub: 5 179

Döş qəfəsindən yaralanmış 41 yaşlı kişinin həyatını həkimlər xilas edib

Fevralın 7-də Bakıda silahlı insident baş verib. Xətai rayon Polis İdarəsindən verilən məlumata görə, NZS qəsəbəsi, Mingəçevir küçəsi 4 ünvanında 1958-ci il təvəllüdlü Hümbətov İsmayıl İmran oğlu öz yeznəsi, 1971-ci ildə anadan olmuş Əliyev Müqabil Qədim oğlunu güllələyib. O, ov tüfəngi ilə yaxın qohumunun döş qəfəsinə atəş açıb. M.Əliyev təcili olaraq, yaxınları tərəfindən Mərkəzi Neftçilər Xəstəxanasına çatdırılıb. Həkimlər yaralının üzərində cərrahiyyə əməliyyatı keçirib və onun həyatını xilas edib.

Qeyd edək ki, hadisə ailə münaqişəsi zəminində baş verib. İ.Hümbətov saxlanılıb, onun barəsində Cinayət Məcəlləsinin 29.120.1-ci (qəsdən adam öldürməyə cəhd) maddəsi ilə iş başlanılıb. Araşdırmalar davam etdirilir.

Çox Oxunanlar