BolgeXeber.Com » BÖLGƏ TV » Ərini öldürüb meşədə basdıran tibb bacısı imiş — FOTO+ VİDEO

Ərini öldürüb meşədə basdıran tibb bacısı imiş — FOTO+ VİDEO

2-10-2015, 09:25

Oxunub: 2 914 Ərini öldürüb meşədə basdıran tibb bacısı imiş — FOTO+ VİDEO

Bakının Yasamal rayonunda törədilən dəhşətli qətlin bəzi təfərrüatları məlum olub

Aparılan araşdırmalar zamanı Kamran Mahmudovun öz həyat yoldaşı Lalə Mahmudova və onun Sədi adlı tanışı tərəfindən öldürüldüyü təsdiqlənib. Həmin şəxslər meyiti hissələrə bölərək İsmayıllı rayonu ərazisində meşədə basdırıblar. Meyitin basdırıldığı təxmin edilən əraziyə baxış keçirilib və Kamran Mahmudovun hissələrə bölünmüş meyiti aşkarlanıb.

Qətli törətmiş Lalə Mahmudovanın Respublika Dəri-Zöhrəvi Dispanserində tibb bacısı, qətldə iştirak edən Sədi adlı şəxsin isə zərgər işlədiyi bildirilir.

Zərgər işləyən şəxsin Mərkəzi Univermaqda iki mağazasının olduğu qeyd edilir. Onun Lalə Mahmudova ilə tanışlığı qızın anası vasitəsilə olub. Hər iki şəxs Yasamal Rayon Polis İdarəsinin əməkdaşları tərəfindən saxlanılaraq istintaq orqanına təhvil veriliblər. Faktla bağlı cinayət işi başlanılıb, araşdırma aparılır (APA TV).

* * *11:54

Bakının Yasamal rayonunda qətl hadisəsi baş verib.

Yasamal Rayon Polis İdarəsindən virtualaz.org-a bildiriblər ki, sentyabrın 26-da Kamran Mahmudov adlı şəxs itkin düşüb. Sonradan onun meyiti İsmayıllıdakı Talışıstan meşəsi yaxınlığında, özünə məxsus olan 10 KA 009 nömrəli, "BMW" markalı maşının yük yerində tapılıb.

İsmayıllı Rayon Polis Şöbəsi əməkdaşları ilə birlikdə aparılan araşdırma zamanı K.Mahmudovun həyat yoldaşı Lalə Mahmudova və onun Sədi Məmmədov adlı tanışı tərəfindən öldürüldüyü məlum olub. Həmin şəxslər meyiti hissələrə bölüblər. Sevgililər əlbir olaraq səhər saat 4-də Mahmudovun cəsədini evdən çıxarıb və İsmayıllı rayonundakı meşəyə aparıblar. Qatillər saxlanılaraq istintaq orqanına təhvil veriliblər.

İlkin məlumata görə, qadın ərini onu boşamaq istəmədiyinə görə öldürüb.

Faktla bağlı cinayət işi başlanılıb, araşdırma aparılır.
Bolgexeber.com

Çox Oxunanlar