BolgeXeber.Com » BÖLGƏ TV » Lənkəran su altında: sakinlər köçürüldü, mal-heyvan tələf oldu - TƏBİİ FƏLAKƏT(VİDEO)

Lənkəran su altında: sakinlər köçürüldü, mal-heyvan tələf oldu - TƏBİİ FƏLAKƏT(VİDEO)

17-10-2015, 12:14

Oxunub: 1 345

Oktyabrın 16-da səhər saatlarından başlayan şiddətli yağışlar nəticəsində Lənkəranın bir neçə yaşayış məntəqəsini su basıb

Ən kritik vəziyyət rayonun Bürcəli, Türkəkəran və Yuxarı Nüvədi kəndlərində yaşanıb. Həmin ərazilərdə onlarla fərdi yaşayış evinin həyətyanı sahələri sel sularına qərq olub, nəticədə yerli sakinlərə maddi ziyan dəyib.
"Həyətimizi su basıb, mal-qaranın hamısı tövlədə qalıb. Özümüz güc-bəla ilə evdən çıxmışıq. Dəymiş ziyan barədə hələ dəqiq heç nə deyə bilmərəm. Amma onu bilirəm ki, toyuq-cücə, tövlədəki mal-qara hər halda tələf olub".
"Mənə də xeyli maddi ziyan dəyib. 40 baş hinduşkam, 50 başadək toyuq-cücəm tələf olub. Tövlədəki 3 baş mal-qara da yəqin indi boğulub".
Qeyd edək ki, dağdan gələn güclü sel suları həmçinin Ələt-Astara magistralının Bürcəli kəndindən keçən hissəsində yola axdığından nəqliyyat vasitələrinin hərəkətində çətinliklər yaranıb.
Hadisə yerinə cəlb olunan Fövqəladə Hallar Nazirliyinin (FHN) Cənub Regional Mərkəzinin xilasedicilərinin və texnikasının səyləri ilə 10-a yaxın evdən köməksiz vəziyyətdə qalmış 20-dən çox sakin evakuasiya olunaraq qohumlarının yanına köçürülüb.
Təbii fəlakətin nəticələrinin aradan qaldırılması istiqamətində müvafiq tədbirlər davam etdirilir.

APA TV

Çox Oxunanlar