BolgeXeber.Com » BÖLGƏ TV » Bakı metrosunda ölüm hadisəsi: 60 yaşlı kişi qəfildən yıxıldı-VİDEO

Bakı metrosunda ölüm hadisəsi: 60 yaşlı kişi qəfildən yıxıldı-VİDEO

11-11-2015, 13:07
Oxunub: 987 Bakı metrosunda ölüm hadisəsi: 60 yaşlı kişi qəfildən yıxıldı-VİDEOÖtən gecə Bakı metrosunda ölüm hadisəsi qeydə alınıb. APA TV-nin məlumatına görə, hadisə metronun "İçərişəhər" stansiyasında baş verib

Sərnişinlərdən birinin səhhəti qəfildən pisləşib. Dərhal stansiya rəisinə məlumat verilib və metroya təcili yardım çağırılıb. Həkimlər hadisə yerinə çatan zaman məlum olub ki, yerə yıxılan şəxs keçinib.

Daha sonra polisə məlumat verilib və hadisə yerinə Səbail Rayon Polis İdarəsinin əməkdaşları gəliblər. Araşdırmalar zamanı məlum olub ki, ürək tutmasından öldüyü təxmin edilən şəxs 60 yaşlı Əliağa Şirəliyevdir. Polislər mərhumun yaxınlarına məlumat verdikdən sonra meyit Məhkəmə Tibbi Ekspertiza və Patoloji Anatomiya Birliyinin Səbail Rayon Şöbəsinə aparılıb.

Bakı Metropoliteninin mətbuat xidmətinin rəhbəri Nəsimi Paşayev faktı təsdiqləyib. Onun sözlərinə görə, metro əməkdaşları hadisə yerində təhlükəsizlik tədbirləri görüblər. Fakta bağlı Səbail Rayon Polis İdarəsində araşdırma aparılır.
Bolgexeber.com