BolgeXeber.Com » BÖLGƏ TV » AzTV sədri Arif Alışanov kürəkənini “Səs Azərbaycan”a rəhbər qoydu - Video

AzTV sədri Arif Alışanov kürəkənini “Səs Azərbaycan”a rəhbər qoydu - Video

13-11-2015, 16:51

Oxunub: 3 229

Bir çox ölkələrdə məşhur olan “The Voice” yarışması bu gündən etibarən AzTV-də “Səs Azərbaycan” adı ilə başlayacaq

Azərbaycan tamaşaçıları bu yarışmanı daha çox Acun İlicalının müəllifi olduğu “O səs Türkiyə”dən tanıyırlar. Demək olar ki, sözügedən layihədə bir çox həmyerlilərimiz iştirak edib. Ötən il isə Elnur Hüseynov “O səs Türkiyə”nin qalibi olub.

Qafqazinfo.az Azərbaycanda reallaşan yarışma ilə bağlı bəzi məlumatlar əldə edib. Məlum olub ki, AzTV rəhbəri Arif Alışanov “Səs Azərbaycan” layihəsini kürəkəni Xəyal Qayıbova tapşırıb. Ötən həftə yarışmanın tanıtım buraxılışında da gənc kürəkən layihə rəhbəri kimi çıxış edib.

Xatırladaq ki, məşhur yarışmalara qohum göndərmək ənənəsindən İTV-nin eks rəhbəri İsmayıl Ömərov da istifadə etmişdi. Belə ki, o, bir az da irəli gedərək nəvəsi Ömər Sultanovu Azərbaycanı uşaq “Eurovision” müsabiqəsində təmsil etmək üçün seçmişdi.
Bolgexeber.com

Çox Oxunanlar