BolgeXeber.Com » BÖLGƏ TV » Dövlət Təhlükəsizlik Xidmətinin gələcəyi barədə – VİDEO

Dövlət Təhlükəsizlik Xidmətinin gələcəyi barədə – VİDEO

16-12-2015, 11:23
Oxunub: 2 445 Dövlət Təhlükəsizlik Xidmətinin gələcəyi barədə – VİDEO“Xidmətə xarici dil bilən gənc əməkdaşlar işə götürüləcək”

Fəaliyyətinə xitam verilmiş MTN-in bazasında yeni yaradılmış Dövlət Təhlükəsizlik Xidmətinin strukturunun necə olacağı barədə ilk rəsmi məlumat açıqlanıb.

Bolgexeber.com Virtualaz.org-a istinadən xəbər verir ki, DTX-in ictimaiyyətlə əlaqələr şöbəsinin rəhbəri vəzifəsini icra edən Arif Babayev ANS telekanalına müsahibəsində bu barədə danışıb.

Onun bildirdiyinə görə, DTX-in strukturunda regional idarələri yaradılacaq. Bu isə o deməkdir ki, DTX-in MTN kimi rayon şöbələri olmayacaq.

“DTX-nin bütün istiqamətlərdə fəaliyyətinin optimallaşdırılması planlaşdırılır. Bununla əlaqədar olaraq struktur dəyişiklikləri aparılır. Regional idarələrin yaradılması nəzərdə tutulur. Xidmətin strukturu daha çevik və operativ olacaq”-Arif Babayev deyib.

Onun sözlərinə görə, paralel olaraq DTX-nin kadr potensialı məsələsi də həll edilir. “Xidmətə xarici dil bilən gənc əməkdaşlar işə götürüləcək. Bundan əlavə əvvəllər bəlli səbəblərə görə işdən kənarlaşdırılmış peşəkarlar yenidən işə cəlb olunacaq. Xidmətin ştat vahidi MTN-in ştat vahidindən az olacaq” - A.Babayev deyib.

DTX rəsmisinin dediyinə görə bu struktur Xarici Kəşfiyyat Xidməti ilə Azərbaycanın maraqları naminə öz fəaliyyətini koordinasiya edəcək.