BolgeXeber.Com » BÖLGƏ TV » Ankarada dəhşətli terror: 28 ölü,61 yaralı - VİDEO

Ankarada dəhşətli terror: 28 ölü,61 yaralı - VİDEO

18-02-2016, 09:57

Oxunub: 3 795

Hərbçiləri daşıyan maşınlara hücum olub

Ankarada baş vermiş terror aktı nəticəsində ölənlərin sayı 28-ə çatıb.

Türkiyə hökumətinin sözçüsü Numan Kurtulmuş bildirib ki, hadisə nəticəsində 61 nəfər də yaralanıb.

23:22

Ankarada terror aktı zamanı ən azı 20-21 nəfər ölüb.
Bunu jurnalistlərə açıqlamasında Türkiyənin səhiyyə naziri Mehmet Müezzinoğlu bildirib.

Onun sözlərinə görə, daha 61 nəfər yaralıdır.

22:38

Ankarada baş vermiş terror hadisəsində ölənlərin sayı 18 nəfər çatıb.
Ankara Valiliyinin verdiyi son məlumata əsasən, daha 45 nəfər yaralanıb.

Məlumata görə, Türk Silahlı Qüvvələrinin hərbçilərini daşıyan maşınlara bombalı hücum edilib.

21:59

Ankarada baş vermiş partlayış nəticəsində 5 nəfər ölüb, 10 nəfər yaralanıb.

Hadisənin terror aktı olduğu və bombalı bir maşınla törədildiyi bildirilir.

Türkiyənin Radio Televiziya Üst Qurumu hadisə ilə bağlı rəsmi açıqlamalardan başqa xəbər verilməsi və görüntü yayılması, olay anının, yerinin və sonrakı görüntülərin, həmçinin cənazələrin görüntülənməsi ilə bağlı yayım qadağası tətbiq edib.

Türkiyənin baş naziri Əhməd Davudoğlu Brüsselə planlaşdırılan səfərini təxirə salıb.

21:20

Türkiyənin paytaxtı Ankarada güclü partlayış baş verib.

Oxu.Az-ın Türkiyə mətbuatına istinadən verdiyi məlumata görə, hadisə nəticəsində 5 nəfər ölüb, 10 nəfər yaralanıb.

Hadisə yerinə hüquq-mühafizə orqanlarının əməkdaşları və xilasedicilər yollanıblar.

Partlayışın səbəbi hələlik məlum deyil.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]