BolgeXeber.Com » BÖLGƏ TV » “Azərilərlə kafeyə getməyə utanmırsan?” – VİDEO

“Azərilərlə kafeyə getməyə utanmırsan?” – VİDEO

4-03-2016, 12:15
Oxunub: 3 775 “Azərilərlə kafeyə getməyə utanmırsan?” – VİDEO“Vətənpərvərlərdən” biri qızlara azərbaycanlıların “qırğız olmadığını” qışqırıb

Qırğızıstan DİN Moskvada saxlanılan üç vətəndaşın kimliyini müəyyənəşdirib.

Bolgexeber.com islamnews-a istinadən xəbər verir ki, onlar Moskvada yaşayan həmvətənləri olan qızları ələ salır, bunu kameraya çəkərək videonu internet şəbəkədə yerləşdirirdilər.

Xatırladaq ki, fevralın 15-də Facebook-da naməlum şəxslərin iki bacıya əl qaldıraraq sorğu-sual etdikləri kadrların əks olunduğu video yayılıb.

Videonun müəlliflərinin qəzəbinə səbəb isə qırğız qızlarının gecə klubuna həmvətənləri ilə deyil, azərbaycanlılar ilə gəlməsi olub.

KİV-in məlumatına görə, hadisə Moskva ətrafındakı Kolomna şəhərində yerləşən “Solo” gecə klubunda baş verib.

“Nədir, kameraya çəkilməkdən utanırsan, amma azərilərlə kafeyə getməyə utanmırsan?”, - oğlanlardan biri deyir. Sorğu-suala tutulanlardan biri qırğızların “onu məyus etdiklərini” və bu səbəbdən də başqa millətin nümayəndələri ilə görüşdüyünü bildirir:

“Görüşdüyüm oğlan qırğız idi. O, rus qızı ilə görüşməyə başladı, indi onlar mənim mənzilimdə bir yerdə yaşayırlar”.

Video “vətənpərvərlərdən” birinin qızlara azərbaycanlıların “qırğız olmadığını” qışqırması ilə bitir.

Qırğızıstan DİN-in mətbuat xidmətindən bildiriblər ki, qızları ələ salan üç nəfər saxlanılıb: Moskvada süpürgəçi işləyən T.uulu Z. (27 yaş), fəhlə A.uulu A. (20 yaş) və yükdaşıyan A. Uulu M. (19 yaş).

Qırğızıstan DİN-in nümayəndəsi Rusiyada saxlanılan şəxslərlə profilaktik söhbət aparıb. Onlar törətdikləri əməllərin hüquqi qiymətləndirilməsi üçün hüquq-mühafizə orqanları əməkdaşlarına təhvil verilib.