BolgeXeber.Com » BÖLGƏ TV » “Tı kto takoy, davay do svidaniya” oxuyan qardaşlar saxlanıldılar – VİDEO + YENİLƏNİB

“Tı kto takoy, davay do svidaniya” oxuyan qardaşlar saxlanıldılar – VİDEO + YENİLƏNİB

31-03-2016, 16:19

Oxunub: 4 213

Qara maskalıların basqınına uğrayan meyxanaçı danışdı

Rusiyanın Yekaterinburq şəhərində tanınmış meyxanaçı qardaşlar - İntiqam və Ehtiram Rüstəmovların da iştirak etdiyi məclisə qara maskalılar tərəfindən basqın edildiyi barədə xəbər vermişdik.

Bolgexeber.com xəbər verir ki, məsələ ilə bağlı Lent.az-ın əməkdaşı meyxanaçı İntiqam Rüstəmovla əlaqə saxlayıb.

O, hadisənin təfərrüatını danışıb:

“Elə biz meyxananı oxuyan yerdə maskalı şəxslər içəri girdi. Bizi saxladılar, amma tanınmış olduğumuzu biləndən sonra buraxdılar. Hətta maskalarını çıxarıb, bizimlə şəkil çəkdirdilər. Bizdən başqa meyxanaçı Nicat Mənalı da orada idi. Hadisə idi, oldu. Bizə heç nə etməyiblər. Sadəcə bizi çağırdılar, çəkdilər qırağa, tanıyandan sonra isə buraxdılar.

Onu da deyim ki, bizdən üzr də istədilər. Rusiyada böyümüş adamam. Bu cür hadisələr mənə pis təsir etmir. Adi haldır. Orada atışma olmayıb. Sadəcə kimsə nəsə etmişdi. Mən bilmirəm, nə məsələ idi. Çünki maraqlanmadım. Maskalı şəxslər gedəndən sonra məclis yenə də davam etdi”.

Qeyd edək ki, hadisə barədə Rusiyanın xəbər agentlikləri də məlumat yayıb. Məlumatlarda polisin kriminal avtoritetlərin yığıncağına müdaxilə etdiyi iddia olunur. Xüsusi əməliyyata Federal Təhlükəsizik Xidmətinin əməkdaşları da cəlb edilib. Rusiya Daxili İşlər Nazirliyinin regional idarəsindən bildiriblər ki, əməliyyat zamanı hadisə yerində narkotikə oxşayan maddə, habelə bıçaq və dəyənək aşkarlanıb.

Yerli mətbuatın xəbərinə görə, şəhərin Kosmonavtlar küçəsi, 134 ünvanında yerləşən “Qulyaki” kafesində kriminal “sxodka” keçirilirmiş. İddia olunur ki, tanımış azərbaycanlı kriminal avtoritet Rövşən Lənkəranski Ural regionuna “nəzarətçi” kimi öz adamını - Ağayev Ağayar Hüseyn oğlunu qoymaq istəyib. Kafedə həm bu münasibətlə, həm də Ağayar Ağayevin ad günü ilə əlaqədar mərasim təşkil olunub.

Mərasimə regionun kriminal avtoritetlərinin toplaşdığı bildirilir və bu sırada Perveuralskdan gəlmiş Əli adlı “qanuni oğru”, Vaqif (Kamışlovo), “Yuqra Cavanşir” və digər avtoritetlərin adı çəkilir. A. Ağayev ad gününü təntənəli keçirmək üçün Bakıdan da qonaqlar dəvət edib. Ehtiram və İntiqam Rüstəmov qardaşlarından başqa, Aqşin, Nicat Mənalı kimi meyxanaçılar, habelə “Oqni Baku” qrupu da dəvətli olub.

14:53

Rusiyanın Yekaterinburq şəhərində avtoritetlərin kriminal “sxodka”sına basqın zamanı azərbaycanlı meyxanaçılarda orada olublar.

Oxu.Az xəbər verir ki, bununla bağlı sosial şəbəkədə görüntülər də yayımlanıb.

Görüntülərə baxan zaman məlum olur ki, Rusiya Mütəşəkkil cinayətlə mübarizə idarəsinin əməliyyatçıları kafedə əməliyyat keçirən zamanı İntiqam ve Ehtiram Rüstəmovlar kefedə meyxana deyirlər.

Belə ki, görüntülərdə xüsusi təyinatlı şübhəli şəxs ardınca kafeyə daxil olur. Baş verdiyini anlamayan meyxanaçı və digərləri təəccüblə ona baxır. Xüsusi təyinatlı əli ilə meyxanaçıya musiqini dayandırmaq barədə göstəriş verir.

Saxlanılanlar arasında onlar da var.

Xatırladaq ki, Yekaterinburqda azərbaycanlıların kriminal “sxodkası”nın qarşısı alınıb. Əməliyyat nəticəsində kafedə olan 160-dan çox adam saxlanılıb.

Çox Oxunanlar