Bizimlə əlaqə | Reklam
BolgeXeber.Com » BÖLGƏ TV » Dünya ərə verilən bu 11 yaşlı qızdan danışır -Video

Dünya ərə verilən bu 11 yaşlı qızdan danışır -Video

23-07-2013, 14:55
Oxunub: 5 979 Səudiyyə Ərəbistanında yaşayan yəmənli Nada əl-Əhdal ailəsi tərəfindən zorla ərə verildiyi üçün evdən qaçmaq məcburiyyətində qalıb. Cəmi 11 yaşı olan Nada beşinci sinifdə oxuyur. Evlənməmək üçün o, çıxış yolunu təkbaşına Sana şəhərində yaşayan əmisinin yanına qaçmaqda görüb. Valideynləri isə polisə müraciət edərək, qızın əmisi tərəfindən zorla qaçırıldığını bildiriblər. Bunu görən Nada başına gələnləri kamera qarşısında anladaraq, İnternetə yerləşdirib. Həmin video qısa zaman ərzində böyük hay-küyə səbəb olub. Uzun sürən mübahisələrdən sonra Yəmənin Daxili İşlər Nazirliyinin nəzdindəki Ailə Qoruma Komitəsi məsələyə qarışıb və məhkəməyə müraciət edib. Məhkəmə 11 yaşlı qızcığazı əmisinin himayəsinə verib. Onun təhsili üçün lazım olan vəsaiti isə ailəsi ödəyəcək.

Qeyd edək ki, sözügedən videoda Nada aidiyyatı qurumlara müraciət edərək, onun kimi başı bəlada olan minlərlə qıza sahib çıxmağı xahiş edib: "Bizin nə günahımız var ki, belə cəzalandırılırıq?! Düzdür, mən bu çətinliyin öhdəsindən gələ bildim. Amma çarəsiz olanlar var. Həmin qızlar öldürülə, yaxud da intihar edə bilərlər. Biz uşaqlar buna layiq deyilik”
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]