Bizimlə əlaqə | Reklam
BolgeXeber.Com » Dünya » Rəcəb Tayyib Ərdoğan-"Ədəbsizlik edirsən"(VİDEO)

Rəcəb Tayyib Ərdoğan-"Ədəbsizlik edirsən"(VİDEO)

11-05-2014, 10:30
Oxunub: 4 635 Bu şəkil dünən Türkiyədə çəkilib.

Şəkildə hamının tanıdığı baş nazir Ərdoğan hiddətli görünür. Onun yanındakı isə Türkiyə prezidenti Abdulla Güldür, baş naziri sakitləşdirməyə çalışır.

Ərdoğanı əsəbiləşdirən Türkiyə Vəkillər Kollegiyasının sədri Mətin Feyzioğlunun çıxışıdır. Ölkəsində azad, əlinin üstündə əl olmayan adam kimi tanınan Feyzioğlunun çıxış müddəti uzanınca özü də saatlarla danışmağa vərdiş eləmiş baş nazir təhəmmül edə bilmir.

Sonra onların arasında dialoq olur. Baş nazir deyir: "Ədəbsizlik edirsən". Feyzioğlu cavab verir: "Ədəbsizlik edən mən deyiləm".

Ərdoğanı hiddətləndirən məqam nə Feyzioğlunun uzanan çıxışıdır, nə də o çıxışın içində yer alan hansısa sözüdür. Baş naziri hiddətləndirən Feyzioğlunun özüdür. Bu adam hələ "Ergenekon" məhbuslarının məsələsində hakimiyyətə qarşı çıxmış, onların azad olunmasını özünün namus borcu elan etmişdi.

Nəticədə o toplantıda ara qarışır, ortaya pərxaşlıq düşür. Prezident iclasda oturduğu halda baş nazir durub çıxışa yönəlir - əyanlar da dalınca. Bu, bir protokol pozuntusu olsa da, məsələyə dəxli yoxdur. Əsas odur ki, baş nazir hiddətlənib.

Türkiyə belə bir dövlətdir. Son on ildə bu ölkədə demokratiya nə qədər zərbə alsa da, məhdudlaşdırılsa da, hər halda hakimiyyətdə olan qüvvənin qarşısından qaçmayan, ona dirəşən qüvvələr, strukturlar da var.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]