Bizimlə əlaqə | Reklam
BolgeXeber.Com » Dünya » Putinin ağ “KamAZ”ları Ukraynanı tərk edir

Putinin ağ “KamAZ”ları Ukraynanı tərk edir

23-08-2014, 12:30
Oxunub: 5 573 Rusiyanın Ukraynaya humanitar yardım aparan ağ rəngli “KamAZ”ları yükünü boşaldaraq geri dönməyə başlayıb.

300-ə yaxın “KamAZ” yükünü separatçıların nəzarətində olan Luqanska boşaldıb və geri dönüb. Onlardan bir hissəsi artıq Rusiya tərəfə keçib. Qalanların da gün ərzində müvafiq gömrük prosedurlarından keçərək geri dönəcəyi gözlənilir.

Ağ “KamAZ”lardan ibarət karvan günlərlə Ukrayna sərhədində gözlədikdən sonra dünən Kiyevin razılığı olmadan separatçıların müşaiyəti ilə sərhədi keçib və Luqanska daxil olub. Rəsmi Kiyev və Qərb dövlətləri Rusiyanın bu addımı birbaşa müdaxilə adlandırıblar. Ukrayna tərəfi bildirir ki, yük maşınlarının humanitar yardım daşıdığına tam əmin deyillər. Çünki gömrükçülər cəmi 37 maşına baxış keçirmişdilər. Rusiya tərəfi isə Ukraynanı karvanı buraxmamaq üçün müxtəlif bəhanələr gətirdiyini, nəticədə “dözülməz vəziyyət” yarandığını və bu səbəbdəb karvanın Kiyevin razılığını gözləmədən sərhədi keçdiyini bildirib. Humanitar yardım karvanının sərhədi keçməsi və Luqanska çatdırılması prosesini şəxsən prezident Vladimir Putin nəzarətdə saxlayıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]