Bizimlə əlaqə | Reklam
BolgeXeber.Com » Dünya » Kişi ikimərtəbəli evini iPhone 6-ya dəyişir

Kişi ikimərtəbəli evini iPhone 6-ya dəyişir

8-10-2014, 10:45
Oxunub: 3 893 Amerikanın Detroyt şəhər alqı-satqı agentlik saytında qəribə bir elan yerləşdirilib: “Öz ikimərtəbəli evimi satmağı və ya iPhone 6 Plus mobil telefonu ilə dəyişməyi təklif edirəm”.

Üç yataq otaqlı kərpic ev hələ bir neçə ay bundan qabaq 5 min dollara satışa qoyulub. Avqust ayında isə evin qiyməti 3 min dollara enib. Lakin heç kim müflis olmuş şəhərdən ev almaq niyyətində olmayıb. Onda evin sahibi mülkü telefonla dəyişməyə qərar verib.

Ev alqı-satqı agentliyinin sahibi deyib: “Bu elan həqiqidir. Mənim müştərim sərhəddən kənarda yaşayır və bu sövdələşməni aparmağı mənə həvalə edib. Evin sahibi əvəzində 32 gigabayt yaddaşlı iPhone 6 Plus və ya iPad istəyir”. Evin sahibi hazırda Avstriyada yaşayır və o, heç vaxt Detroytda yaşamayıb.

Adı açıqlanmayan kişi mülkü 2010-cü ildə kirayə verib dolanmaq üçün 41 min dollara alıb. Lakin evi kişiyə satan satıcı mülkü 1 həftə əvvəl 10,5 min dollara alıb. Bundan sonra şəhərin iqtisadi həyatında çətinlik yaranıb və ev kirayə götürmək istəyənlərin sayı getdikcə azalmağa başlayıb.

Alqı-satqı agentliyinə 4 insan müraciət edib. Müştərilərdən biri kimsəsiz evi iPhone 5-ə dəyişməyi, digər namizədlər isə mülkü 700 dollara almaq istədiyini deyib.

Qeyd edək ki, Detroyt şəhəri 2013-cü ilin dekabr ayından müflis elan edilib. Şəhərin borcu 18,5 milyard dollar, büdcə kəsiri isə 280 milyon dollardır.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]