BolgeXeber.Com » Dünya » "Qadınlar maşın sürsələr, ölkədə bakirə qalmayacaq"

"Qadınlar maşın sürsələr, ölkədə bakirə qalmayacaq"

3-12-2011, 11:20
Oxunub: 5 302 Səudiyyə Ərəbistanı Krallığının ali dini qurumunun verdiyi fətvaya görə, ölkədəki qadınlara avtomobil sürməyə icazə veriləcəyi təqdirdə "fahişəlik, pornoqrafiya və homoseksuallıq artacaq".


Bolgexeber.com "Əl Ərəbiyyə"yə istinadən bildirir ki, Səudiyyə Ərəbistanının Himmətlə Halallığın Təbliğatı və Günahlarla Mübarizə Komissiyasının (Məclis əl İtfa əl Əala) fətvasında deyilir: "Ölkədəki qadınlara avtomobil idarə etməyə icazə verilərsə, 10 il ərzində ölkədə bakirə qalmayacaq, fahişəlik, pornoqrafiya, homoseksualizm və boşanmaların sayı sürətlə artacaq".

Komissiyanın məşhur dinşünas professor Kamal Sübhi ilə birlikdə hazırladığı fətva ölkə parlamentinə göndərilib.
Kral Fəhd Universitetinin professoru Sübhinin fikrincə, qadınların avtomobil idarə etmələrinə icazə verildiyi digər ərəb ölkələrindəki "mənəvi tənəzzül və deqradasiya göz qabağındadır".

"Belə ölkələrdən birində olanda qadınlar mənə baxırdılar. Hətta biri mənə him-cim etdi, göz vurdu. Qadınlara avtomobil sürməyə icazə verilərsə, olan budur", - Sübhi deyib.