Bizimlə əlaqə | Reklam
BolgeXeber.Com » Dünya » Yerə əkiz 2 planet tapılıb

Yerə əkiz 2 planet tapılıb

21-12-2011, 17:35
Oxunub: 6 974 Onlar bizdən 945 işiq ili uzaqlıqdadırlar

Astronomlar "Kepler" teleskopunun köməyi ilə ilk dəfə olaraq Günəş sistemindən kənarda Yer kürəsi böyüklüyündə iki planet aşkar ediblər. Onlar bizdən 945 işıq ili uzaqlıqda, Ququşu və Lira bürclərinin qovuşuğunda yerləşirlər və Kepler-20 sarı ulduzunun ətrafında fırlanırlar. Bolgexeber.com-un məlumatına görə, bu barədə RİA Novosti xəbər verir.

"Layihənin və "Kepler" teleskopunun məqsədi "həyat zonası"nda (maye suyun və məntiqi olaraq canlı orqanizmlərin mövcud olduğu) Yer ölçüsündə planetləri tapmaqdır. Bizim Yer ölçüsündə planetlər aşkar etməyimizə gəldikdə, bu, həmin məqsədə çatmaq yolunda irəliyə doğru böyük addımdır", - Harvard Universiteti (ABŞ) Astrofizika Mərkəzindən alimlər qrupunun rəhbəri Fransua Fressin bildirib.

İndiyədək "Kepler" teleskopu minə yaxın belə planet aşkarlayıb, onlardan onu ölçülərinə görə Yerə daha yaxın olub və "həyat zonası"nda dövr edir. Fevralda həyat əlamətlərinin olduğu ehtimal edilən 54 potensial planet haqqında bəyan edilib.

Təsdiqlənmiş planetlərdən birincisi Kepler-22b planetidir. Bu, "həyat zonası"nın ortasında bizim Günəşə oxşayan ulduzun ətrafında fırlanan planetlərin hamısından kiçikdir. Həmin planetin radiusu Yerinkindən 2,4 dəfə böyükdür. Kepler-22b eynilə həm Yer tipli planet, həm də o bir qədər də böyük olmayan kiçik qaz nəhəngi ola bilər.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]