Bizimlə əlaqə | Reklam
BolgeXeber.Com » Dünya » 458 nəfərin olduğu gəmi batdı: kapitan və baş mexanik həbs edildi

458 nəfərin olduğu gəmi batdı: kapitan və baş mexanik həbs edildi

2-06-2015, 13:22
Oxunub: 4 737 458 nəfərin olduğu gəmi batdı: kapitan və baş mexanik həbs edildiÇinin cənubunda 50-80 yaş arası 458 nəfəri daşıyan gəmi fırtınaya düşərək batıb

“Qafqazinfo” xarici KİV-ə istinadən xəbər verir ki, xilasedicilər cəmi 12 nəfərin həyatını qurtara biliblər, 400-dən çox sərnişindən isə heç bir xəbər yoxdur. Gəminin içərisində qalan sərnişinlərin yardım qışqırıqları eşidilir.

Xilasetmə tədbirləri külək və güclü yağış səbəbindən çətinləşib. İndiyə kimi xilas edilənlər arasında gəminin kapitanı və baş mühəndisinin olduğu bildirilir.

Çinin dövlət radiosu gəminin iki dəqiqə ərzində batdığını və yardım siqnalı vermədiyini, gəmidə olan 7 sərnişinin sahilə üzərək qəza xəbərini çatdırdığını deyib.

Çinin baş naziri axtarış və xilasetmə tədbirlərinə nəzarət etmək üçün hadisə yerinə gəlib.

Batan gəmidə yaxınları olanlar isə turu təşkil edən şirkətin Şanxaydakı ofisinə basqın ediblər.

Xilasedicilər gəminin üzərinə cəkiclə vuraraq sağ qalanların olduğu yeri müəyyən etməyə çalışırlar.

Çinin mərkəzi televiziyası isə xəbər yayıb ki, polis batmış “Şərq Ulduzu” adlı gəminin kapitanını və baş mexanikini həbs edib.

Son məlumatlara görə, 13 nəfər xilas edilib, 5 nəfərin meyiti tapılıb.
BOLGEXEBER.COM
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]