BolgeXeber.Com » Dünya » 4 generalın sirli ölümü: siyasət, yoxsa...?

4 generalın sirli ölümü: siyasət, yoxsa...?

25-01-2012, 13:05

Oxunub: 4 321

Son 4 gün ərzində İranda yüksək rütbəli, çox önəmli postlar tutan 4 general müəmmalı şəkildə dünyasını dəyişib.

"İslam İnqilabı Keşikçiləri Korpusu"nun ("Sepahe Pasdarane Enqelabe Eslame", SEPAH) yüksək rütbəli 4 generalının ölümü ilə bağlı yayılmış rəsmi məlumatlarda onların kəskin ürəktutması və insult nəticəsində dünyalarını dəyişdikləri vurğulanır.

Bolgexeber.com "Əl Cəzirə"yə istinadən bildirir ki, bu generalların ölümləri müəmmalıdır. Onların hamısı 50-55 yaşlı idilər.
Dünyasını dəyişənlər elektron silah və texnika sahəsində tədqiqatlarla məşğul olan Vəaf Afrian, İmam Hüseyn Universitetinin qeyri-ənənəvi silah və hərbi texnika laboratoriyasının rəhbəri Abbas Məhari, SEPAH Universitetinin sədri Əhməd Şahvacehi və briqada generalı Mənsur Türkandır.

Onların hamısı SEPAH-ın sabiq generalı Hüseyn Ələvinin ölkənin ali dini rəhbəri ayətulla Əli Xamneyinin yürütdüyü siyasəti sərt tənqid edən bəyanatını dəstəkləmişdilər.

Çox Oxunanlar